ଜଗତସିଂହପୁର: ଜଗତସିଂହପୁର ପୌରାଞ୍ଚଳରେ କୁଢ଼କୁଢ଼ ଆବର୍ଜନା ପଡି ରହିଥିବା ଦେଖିବାକୁ ମିଳିଛି । ଯାହା ଦିର୍ଘଦିନ ଧରି ପଡିରହି ପୁତ୍ତି ଗନ୍ଧମୟ ପରିବେଶ ସୃଷ୍ଟି କରିବା ସହ ଅନେକ ରୋଗ ବ୍ୟାଧିର ଗନ୍ତାଘର ପାଲଟିଛି ।
ବିଶେଷକରି ପୌର ପ୍ରଶାସନ, ସଂଖ୍ୟାଲଘୁ ସମ୍ପ୍ରଦାୟର ଲୋକେ ବସବାସ କରୁଥିବା ଜଗତସିଂହପୁର 10ନଂ ବସ୍ତି ଅଞ୍ଚଳରେ 3 ମାସ ହେବ ଆବର୍ଜନା ସଫା ନହୋଇ ପଡି ରହିଛି। ଯାହା ଟିକେ ବର୍ଷା ହେଲେ ପରିସ୍ଥିତି ଆହୁରି ସଙ୍ଗିନ ହୋଇ ଯାଉଛି। ବର୍ଷା ଯୋଗୁଁ ସହରର ଆବର୍ଜନା ପାଣି ଏହି ବସ୍ତି ଭିତରେ ପ୍ରବେଶ କରୁଛି।
ଲୋକେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି। ଏପରିକି ଜର ଝାଡା ବାନ୍ତି ଆଦି ରୋଗର ଶିକାର ହେଉଛନ୍ତି। ଏସମ୍ପର୍କରେ ପୌର କାର୍ଯ୍ୟ ନିର୍ବାହୀ ଅଧିକାରୀଙ୍କୁ ପଚାରିବାରୁ ପୌରପରିଷଦରେ ଆର୍ଥିକ ଅବସ୍ଥା ଭଲ ନଥିବାରୁ ଆମେ ସବୁଦିନ ସଫେଇ କାର୍ଯ୍ୟ ସମ୍ପାଦନ କରିବା ସମ୍ଭବ ହେଉନାହିଁ ବୋଲି ସେ ଦେଇଛନ୍ତି ।
ତେବେ ପ୍ରତିଦିନ ସଫେଇ କାର୍ଯ୍ୟ ସମ୍ଭବପର ହେଉ ନଥିଲେ ବି ଦୁଇ ଦିନରେ ଥରେ ସଫେଇ କାର୍ଯ୍ୟ କରାଯାଉଛି। ତେବେ ଖୁବଶୀଘ୍ର ଏହି ସମସ୍ୟାର ସମାଧାନ କରାଯିବ ବୋଲି କହିଛନ୍ତି।
ଜଗତସିଂହପୁର ସୁଶାନ୍ତ ପାତ୍ର, ଇଟିଭି ଭାରତ
