ଜଗତସିଂହପୁର: ପାରାଦୀପ ଆଇଓସିଏଲରେ(IOCL) କାର୍ଯ୍ୟରତ ଜଣେ ଶ୍ରମିକଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଛି । ଶୁକ୍ରବାର ସନ୍ଧ୍ୟାରେ ଏଭଳି ଏକ ଅଘଟଣ ଘଟିଛି । ଏହାପରେ କିଛି ସମୟ ପାଇଁ ଉତ୍ତେଜନା ପ୍ରକାଶ ପାଇଥିଲା । କ୍ଷତିପୂରଣ ଦାବିରେ ଶ୍ରମିକମାନେ କମ୍ପାନୀ ସମ୍ମୁଖରେ ଧାରଣାରେ ବସିଛନ୍ତି । ମୃତ ଶ୍ରମିକଙ୍କ ପରିବାରକୁ 20 ଲକ୍ଷ ଟଙ୍କା କ୍ଷତିପୂରଣ ଓ ପରିବାରର ଜଣଙ୍କୁ ଚାକିରି ଦେବାକୁ ଦାବି ହୋଇଛି ।
ଆଇଓସିଏଲରେ ଶ୍ରମିକଙ୍କ ମୃତ୍ୟୁ ଘଟଣା
ସୂଚନା ମୁତାବକ, ଶୁକ୍ରବାର ସନ୍ଧ୍ୟାରେ ଆଇଓସିଏଲ ରିଗରରେ କାମ କରୁଥିବା ଠିକା ଶ୍ରମିକ ବାବାଜୀ ମହାପାତ୍ରଙ୍କ ଉପରେ କୌଣସି ଭାବେ ଏକ ଟ୍ରକ ଚଢ଼ିଯାଇଥିଲା । ଫଳରେ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ଘଟିଥିଲା । ତେବେ ମୃତ ଶ୍ରମିକଙ୍କ ମୃତଦେହ କାରଖାନା ଫାଟକ ସମ୍ମୁଖରେ ରଖି ପରିବାର ଲୋକେ ଏବଂ ଶ୍ରମିକମାନେ ଧାରଣା ଦେଇ କ୍ଷତିପୂରଣ ଦାବି କରିଥିଲେ । ସକାଳ 9ଟା ସୁଦ୍ଧା କୌଣସି କର୍ମଚାରୀଙ୍କୁ କମ୍ପାନୀ ଭିତରକୁ ଛଡାଯାଉନଥିବା ଦେଖିବାକୁ ମିଳିଛି ।
ଇଟିଭି ଭାରତ, ଜଗତସିଂହପୁର
