ଜଗତସିଂହପୁର: ଶନିବାର ସନ୍ଧ୍ୟାରେ ଜିଲ୍ଲାପାଳଙ୍କ କାର୍ଯ୍ୟାଳୟରେ ଜଗତସିଂହପୁର ପୌର ପରିଷଦର ନିଜସ୍ୱ ୱେବ ପୋର୍ଟାଲ ଓ ଜିଲ୍ଲା ପ୍ରଶାସନର ଜନସମ୍ପର୍କ ୱେବ ପୋର୍ଟାଲ ଉଦଘାଟିତ ହୋଇଛି। ଜିଲ୍ଲାପାଳ ସଂଗ୍ରାମ କେଶରୀ ମହାପାତ୍ର ଏହାର ଉଦଘାଟନ କରିଛନ୍ତି।
ଭିଡିଓ ସୌଜନ୍ୟ: ପ୍ରତିନିଧି, ଜଗତସିଂହପୁର
www.jagatsinghpur.municpality.in ରେ ଲଗ ଇନ୍ କରି ଜନସାଧାରଣ ପୌର ପରିଷଦର ବିଭିନ୍ନ କାର୍ଯ୍ୟକ୍ରମ ସମ୍ପର୍କରେ ସୂଚନା ପାଇପାରିବେ । ଏହା ମାଧ୍ୟମରେ ହୋଲଡିଂ ଟ୍ୟାକ୍ସ, କଲ୍ୟାଣ ମଣ୍ଡପ ବୁକିଙ୍ଗ, ଜନ୍ମମୃତ୍ୟୁ ପ୍ରମାଣପତ୍ର ପାଇଁ ଆବେଦନ କରିପାରିବେ। ଏହାଦ୍ୱାରା ପ୍ରଶାସନ ଲୋକଙ୍କ ନିକଟତର ହୋଇପାରିବ ବୋଲି ଜିଲ୍ଲାପାଳ କହିଛନ୍ତି । ସେହିପରି ଜିଲ୍ଲା ପ୍ରଶାସନର ଜନସମ୍ପର୍କ ପୋର୍ଟାଲରେ ଜନସାଧାରଣ ନିଜର ଅଭିଯୋଗ ପତ୍ର ପଠାଇ ପାରିବେ ଓ ଜିଲ୍ଲାର ବିକାଶରେ ନିଜର ମତାମତ ଦେଇ ପାରିବେ ବୋଲି ମଧ୍ୟ ଜିଲ୍ଲାପାଳ କହିଛନ୍ତି।
ଜଗତସିଂହପୁରରୁ ସୁଶାନ୍ତ ପାତ୍ର, ଇଟିଭି ଭାରତ
