ଜଗତସିଂହପୁର: ଜିଲ୍ଲାର ପାରାଦୀପଠାରେ ମଙ୍ଗଳବାର ସନ୍ଧ୍ୟାଠାରୁ ବର୍ଷା ଆରମ୍ଭ ହୋଇଛି । ଝିପି ଝିପି ବର୍ଷା ସାଙ୍ଗକୁ ପବନ ବହୁଥିବାରୁ ଲୋକେ ଆତଙ୍କିତ ହୋଇ ପଡିଛନ୍ତି । ପାରାଦୀପ ଉପକଣ୍ଠ ଷଣ୍ଢକୁଦ ବସ୍ତିରେ କଚା ଘରେ ବସବାସ କରୁଥିବା ଲୋକେ ଏବେ ପ୍ରମାଦ ଗଣିଲେଣି । ପାରାଦୀପ ପୌର ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଥିବା କୁହାଯାଇଛି ।
ତେବେ ମଙ୍ଗଳବାର ସନ୍ଧ୍ୟାରେ ଅଳ୍ପ କେତେକ ଲୋକଙ୍କୁ ସ୍ଥାନାନ୍ତରିତ କରାଯାଇ ଥିବା କୁହାଯାଇଛି । ଅପର ପକ୍ଷରେ ଅମ୍ପାନ ପାରାଦୀପଠାରୁ 350 କିଲୋମିଟର ଦୂରରେ ରହିଛି । ଯାହାର ପ୍ରଭାବରେ ବର୍ଷା ହେବ ସଙ୍ଗେ ସଙ୍ଗେ ପବନ ବହିବା ଆରମ୍ଭ କରିଛି । କଚା ଘରେ ରହୁଥିବା ଲୋକମାନଙ୍କୁ ତୁରନ୍ତ ସୁରକ୍ଷିତ ସ୍ଥାନକୁ ଚାଲିଯିବାକୁ ପ୍ରଶାସନ ଅନୁରୋଧ କରିଛି । ପାରାଦୀପ ସହରରେ ଓଡ୍ରାଫ ଓ ଏନଡିଆରଏଫ ଟିମ ପହଞ୍ଚି ସାରିଥିବା ଦେଖିବାକୁ ମିଳିଛି । ତେବେ ସମ୍ଭାବ୍ୟ ବାତ୍ୟା ଅମ୍ପାନକୁ ନେଇ ଲୋକେ ଆତଙ୍କିତ ନ ହୋଇ ସୁରକ୍ଷିତ ସ୍ଥାନକୁ ଚାଲି ଯିବାକୁ ନିବେଦନ କରାଯାଇଛି ।
ଜଗତସିଂହପୁରରୁ ସୁଶାନ୍ତ ପାତ୍ର, ଇଟିଭି ଭାରତ
