ଜଗତସିଂହପୁର: ସ୍ୱାଧୀନତା ଦିବସକୁ ନେଇ ଚଳଚଞ୍ଚଳ ହୋଇ ଉଠିଛି ଗାଁ ଠୁ ସହର । ଦେଶ ମାତୃକାର ଜୟଗାନ କରିବାପାଇଁ ସମସ୍ତେ ପ୍ରସ୍ତୁତ । ସେ ସରକାରୀ ହେଉ ବା ବେସରକାରୀ ସବୁଠି ଜାତୀୟତାର ପ୍ରତୀକ ଭାବେ ଜାତୀୟ ପତାକାକୁ ଉତ୍ତୋଳନ କରିବା ପାଇଁ ସେହି ମୁହୂର୍ତ୍ତକୁ ସମସ୍ତ ଚାହିଁ ରହିଥାନ୍ତି ।
କିନ୍ତୁ ଚଳିତ ବର୍ଷ କରୋନା ଜାତୀୟ ପତାକା ବିକ୍ରି ଉପରେ ପ୍ରଭାବ ପକାଇଛି । ବିଭିନ୍ନ ଶିକ୍ଷାନୁଷ୍ଠାନ ବନ୍ଦ ରହିଥିବାରୁ ଛାତ୍ରଛାତ୍ରୀ ପତାକା କିଣିବାକୁ ଆସୁ ନାହାଁନ୍ତି।ଫଳରେ ବେବସାୟ ପ୍ରଭାବିତ ହୋଇଛି । ସ୍ୱାଧୀନତା ଦିବସ ପୂର୍ବରୁ ଶତାଧିକ ଦୋକାନୀମାନେ ତ୍ରିରଙ୍ଗା ପତାକା ବିକ୍ରି କରିଥାନ୍ତି । ଖାଲି ପତାକା କାହିଁକି ତ୍ରିରଙ୍ଗା ଷ୍ଟିକର, ବ୍ୟାଚ ଆଦି ବିକ୍ରି କରି ଗୁଜୁରାଣ ମେଣ୍ଟାନ୍ତି ।
କିନ୍ତୁ ଗତ ଦୁଇ ବର୍ଷ ଧରି ଏଥିରେ ଭଟ୍ଟା ପଡିଛି । ଜଗତସିଂହପୁର ସହରରେ ଦୁଇ/ତିନୋଟି ଦୋକାନ ଛାଡିଦେଲେ ଚଳିତ ବର୍ଷ ସେଭଳି ଆସର ଜମିନାହିଁ । କମ୍ ବିକ୍ରି କାରଣରୁ ଚିନ୍ତାରେ ବ୍ୟବସାୟୀ ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
