ଜଗତସିଂହପୁର: ପ୍ଲାଜମା ଦାନ କରି ଗୁରୁତର କୋରୋନା ରୋଗୀଙ୍କ ଜୀବନ ବଞ୍ଚାଇଥିବା ୪ କୋରୋନା ଯୋଦ୍ଧାଙ୍କୁ ସମ୍ବର୍ଦ୍ଧିତ କରିଛନ୍ତି ଜିଲ୍ଲାପାଳ ସଂଗ୍ରାମ କେଶରୀ ମହାପାତ୍ର ।
ଏଥିସହିତ କୋରୋନାରୁ ଆରୋଗ୍ୟ ଲାଭ କରିଥିବା ସମସ୍ତ ବିଜୟୀଙ୍କୁ ପ୍ଲାଜମା ଦାନ କରିବାକୁ ଜିଲ୍ଲାପାଳ ନିବେଦନ କରିଛନ୍ତି।
ଜିଲ୍ଲାରେ ଗୁରୁତର ରୋଗୀଙ୍କୁ ପ୍ଲାଜମା ଥେରାପି ଦ୍ବାରା ଚିକିତ୍ସା କରାଯାଉଛି । ଏଯାବତ ସୁସ୍ଥ ହୋଇଥିବା ୧୨ ଜଣ କୋରୋନା ସଂକ୍ରମିତ ସ୍ବଇଚ୍ଛାରେ ପ୍ଲାଜମା ଦାନ କରିଛନ୍ତି ।
ଜିଲ୍ଲା ପ୍ରଶାସନ ପକ୍ଷରୁ ପ୍ଲାଜମା ଦାନ କରୁଥିବା ବ୍ୟକ୍ତିଙ୍କୁ କଟକ ଯିବା ଆସିବା ଖର୍ଚ୍ଚ ବହନ କରାଯିବା ସହ ଏକ ସାଟିଫିକେଟ୍ ପ୍ରଦାନ କରାଯାଉଛି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ