ଜଗତସିଂହପୁର: ଜିଲ୍ଲାରେ ଆଜି (ଶନିବାର) କୋରୋନା ନେଇଛି ପୁଣି ଏକ ମୁଣ୍ଡ । ମୃତକ ଜଣଙ୍କ ଜଗତସିଂହପୁର ସଦର ବ୍ଲକର 79 ବର୍ଷୀୟ ବ୍ୟକ୍ତି । ସେ ପୂର୍ବରୁ ଅନ୍ୟ ରୋଗରେ ପୀଡିତ ଥିଲା ବେଳେ କରୋନା ଆକ୍ରନ୍ତ ହୋଇ କୋଭିଡ ହସ୍ପିଟାଲରେ ଚିକିତ୍ସିତ ସମୟରେ ପ୍ରାଣ ହରାଇଛନ୍ତି ।
ତେବେ ଏହାକୁ ମିଶାଇ ଜିଲ୍ଲାରେ କୋରୋନା ଜନିତ ମୃତ୍ୟୁ ସଂଖ୍ୟା 18 କୁ ବୃଦ୍ଧି ପାଇଛି । ସେହିପରି ଜିଲ୍ଲାରେ ଆଜି 86 ଜଣ କୋରୋନା ପଜେଟିଭି ଚିହ୍ନଟ ହୋଇଥିବା ଜଣାପଡିଛି । ସେମାନଙ୍କ ମଧ୍ୟରୁ ବାଲିକୁଦା ରୁ 5, ବିରିଡ଼ି ରୁ 10, ଏରସମା ରୁ 8, କୁଜଙ୍ଗରୁ 11, ନାଉଗାଁରୁ 10, ତିର୍ତ୍ତୋଲରୁ13, ରଘୁନାଥପୁର ରୁ 6, ଜଗତସିଂହପୁରରୁ 14, ଜଗତସିଂହପୁର ସହର ରୁ 6 ଓ ପାରାଦୀପ ରୁ 3 ଚିହ୍ନଟ ହୋଇଛନ୍ତି ।
ଏଥିସହ ଜିଲ୍ଲାରେ ଆକ୍ରନ୍ତଙ୍କ ସଂଖ୍ୟା 5772ରେ ପହଞ୍ଚିଛି । ଏବେ ସୁଦ୍ଧା 5772 ଜଣ ସୁସ୍ଥ ହୋଇ ସାରିଥିବା ବେଳେ 732 ଜଣ ସକ୍ରିୟ ଆକ୍ରାନ୍ତ ଅଛନ୍ତି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
