ପୋଲିସ କବଜାରେ ୪ ଗୋରୁ ବୋଝେଇ ଟ୍ରକ୍, ୪ ଅଟକ

ଜଗତସିଂହପୁର ପୋଲିସ ଚଢାଉ କରି 4 ଟି ଗୋରୁ ବଝେଇ ଟ୍ରକ ଜବତ କରିବା ସହ ଚାରି ଜଣଙ୍କୁ ଅଟକ ରଖିଛି ।

ଜଗତସିଂହପୁର: ଜଗତସିଂହପୁର ସଦରଥାନା ଅନ୍ତର୍ଗତ ଆଳିପିଙ୍ଗଳ ପୋଲ ନିକଟରୁ ଚାରିଟି ଗୋରୁ ବୋଝେଇ ଟ୍ରକକୁ ପୋଲିସ ଜବତ କରଛି।

ସୂଚନା ଅନୁଯାୟୀ ଜଗତସିଂହପୁର ଜିଲ୍ଲା ନିଆଳି ଅଞ୍ଚଳର କେତେକ ଗୋରୁ ଚାଲାଣକାରୀ ଗ୍ୟାଙ୍ଗ ଆଳିପିଙ୍ଗଳ ବାଟଦେଇ ଗୋଚାଲାଣ କରୁଥିଲେ। ୧୨ ଟି ଗୋରୁକୁ ଅତି ଦୟନୀୟ ଅବସ୍ଥାରେ ନେବା ସମୟରେ ପୋଲିସ ଚଢାଉ କରିଥିଲା। ନିଆଳି, ଅଡଶପୁର ଆଦି ଅଞ୍ଚଳର ଶହ ଶହ ଗୋରୁ ସଂଗ୍ରହ କରି ଚାଲାଣ କରାଯାଉଛି । ବେଆଇନ ଭାବରେ କୋଲକାତାକୁ ବିଭିନ୍ନ ସମୟରେ ଗୋରୁ ଚାଲାଣ କରାଯାଉଛି ।

ଜଗତସିଂହପୁରରୁ ସୁଶାନ୍ତ ପାତ୍ର, ଇଟିଭି ଭାରତ