ଜଗତସିଂହପୁର: ଜିଲ୍ଲାର ସଦର ଥାନା ଅଧିନସ୍ଥ କୋରୁଆ ଗ୍ରାମରେ ହୋଇଥିବା ଡକାୟତି ଘଟଣାରେ 4 ଜଣ ଅଭିଯୁକ୍ତଙ୍କୁ ପୋଲିସ ଗିରଫ କରିଛି । ସେମାନଙ୍କ ଠାରୁ ପୋଲିସ 2ଟି ପିସ୍ତଲ, 9ଟି ମୋବାଇଲ,ଗୋଟିଏ ଡିଭିଡି ପ୍ଲେୟାର, 2ଟି ନାକ ଫୁଲ, 4ଟି ସୁନା ମୁଦି, ଗୋଟିଏ ମଙ୍ଗଳସୁତ୍ର ଓ 2ଟି ମଟର ସାଇକେଲ ଜବତ କରିଛି। ଏକ ସାମ୍ବାଦିକ ସମ୍ମିଳନୀରେ ଜିଲ୍ଲା ଅତିରିକ୍ତ ଆରକ୍ଷୀ ଅଧୀକ୍ଷକ ଏହି ସୂଚନା ଦେଇଛନ୍ତି।
ଭିଡିଓ ସୌଜନ୍ୟ: ପ୍ରତିନିଧି, ଜଗତସିଂହପୁର
ଗତ ସେପ୍ଟେମ୍ବର 5 ତାରିଖ ରାତିରେ ଆଳିପିଙ୍ଗଳ କୋରୁଆ ଗ୍ରାମରେ ଅବସରପ୍ରାପ୍ତ କର୍ମଚାରୀ ତ୍ରୈଲୋକ୍ୟ ମୋହନ ସାହୁଙ୍କ ଘରୁ ଡକାୟତି ହୋଇଥିଲା । ଡକାୟତ ଗୃହକର୍ତ୍ତାଙ୍କୁ ମାଡ ମାରିବା ସହ ନଗଦ ଟଙ୍କା ଓ ସୁନାଗହଣା ଲୁଟି ନେଇଥିଲେ । ଏହି ଘଟଣାପରେ ପୋଲିସ ବିଭିନ୍ନ ସ୍ଥାନରେ ଚଢ଼ାଉ କରି 4 ଅଭିଯୁକ୍ତଙ୍କୁ ଗିରଫ କରିଛି।
ଜଗତସିଂହପୁରରୁ ସୁଶାନ୍ତ ପାତ୍ର, ଇଟିଭି ଭାରତ
