ତିର୍ତ୍ତୋଲ: ମହାନଦୀରେ ଗାଧୋଉ ଥିବାବେଳେ 14 ବର୍ଷର ନାବାଳକ ନିଖୋଜ । ଏହି ଏଭାବନୀୟ ଘଟଣା ଘଟିଛି ଜଗତସିଂହପୁର ଜିଲ୍ଲା ତିର୍ତ୍ତୋଲ ଥାନା ଅନ୍ତର୍ଗତ କୋଟକଣା ନିକଟ ମହାନଦୀରେ । ନିଖୋଜ ନାବାଳକ ଏରଡଙ୍ଗା ପଞ୍ଚାୟତ ପାଣ୍ଡରା ଗ୍ରାମର ରମେଶ ଚନ୍ଦ୍ର ଦାସଙ୍କ ପୁଅ ରୁଦ୍ର ନାରାୟଣ ଦାସ ବୋଲି ଜଣାପଡିଛି ।
ମହାନଦୀରେ ଗାଧୋଉଥିବାବେଳେ ନାବାଳକ ନିଖୋଜ
ସୂଚନାନୁଯାୟୀ, ନିଖୋଜ ବାଳକ କୋଟକଣାରେ ଥିବା ମାମୁଁ ଘରକୁ ଆସି 4 ଜଣ ସାଙ୍ଗଙ୍କ ସହ ମହାନଦୀକୁ ଗାଧୋଇବାକୁ ଯାଇଥିଲେ । ସେ ନଦୀରେ ନିଖୋଜ ହେବା ପରେ ଘଟଣାସ୍ଥଳରୁ ତାଙ୍କ ସାଙ୍ଗମାନେ ଫେରାର ହୋଇଯାଇଥିଲେ । ବିଳମ୍ବରେ ଖବର ପାଇ ତିର୍ତ୍ତୋଲ ଅଗ୍ନିଶମ ବିଭାଗ ପକ୍ଷରୁ ଖୋଜିଖୋଜି ଜାରି ରହିଛି । ଏବେ ସୁଦ୍ଧା ତାଙ୍କର ପତ୍ତା ମିଳିପାରିନାହିଁ ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
