ଭଞ୍ଜନଗର: ପେଟ୍ରୋଲ ନିଆଁରେ ଜଳିଗଲେ ଗୋଟିଏ ପରିବାରର ତିନି ଜଣ ସଦସ୍ୟ l ଗଞ୍ଜାମ ଜିଲ୍ଲା ତାରସିଙ୍ଗ ଥାନା ଅନ୍ତର୍ଗତ ସମରବନ୍ଧ ଗାଁରେ ଏଭଳି ଏକ ଅଘଟଣ ଘଟିଛି । ଦୋକାନରେ ବିକ୍ରି କରିବାକୁ ରଖାଯାଇଥିବା ପେଟ୍ରୋଲ ଜାର୍ରୁ କାଢ଼ି ବୋତଲରେ ଢାଳୁଥିବା ବେଳେ ଜାର୍ଟି ହାତରୁ ଖସି ଯାଇଥିଲା l
ପେଟ୍ରୋଲ ନିଆଁରେ ଜଳିଗଲେ ଗୋଟିଏ ପରିବାର ୩ ସଦସ୍ୟ
ଜାର୍ରେ ଭରି ହୋଇଥିବା ପେଟ୍ରୋଲ ତଳେ ପଡ଼ି ପାଖରେ ଲାଗିଥିବା ଘିଅଦିପରୁ ନିଆଁ ଧରି ନେଇଥିଲା । ଫଳରେ ଘର ପୋଡିବା ସହ ପରିବାରର ମୁଖ୍ୟ ପ୍ରଫୁଲ ନାୟକ ତାଙ୍କ ପତ୍ନୀ ମାଗି ନାୟକ ଏବଂ ଝିଅ ଦୀପା ନାୟକଙ୍କ ଦେହରେ ମଧ୍ୟ ନିଆଁ ଲାଗି ଯାଇଥିଲା ।
୩ଜଣଙ୍କୁ ଗୁରୁତର ଅବସ୍ଥାରେ ଗ୍ରାମବାସୀ ଉଦ୍ଧାର କରି ପ୍ରଥମେ ଭଞ୍ଜନଗର ମେଡିକାଲ ଓ ପରେ ଅବସ୍ଥା ସଙ୍କଟାପନ୍ନ ହେବାରୁ ସେମାନଙ୍କୁ ବ୍ରହ୍ମପୁର ମେଡିକାଲକୁ ସ୍ଥାନାନ୍ତର କରାଯାଇଛି । ଅସାବଧାନତା କାରଣରୁ ଏହି ଦୁର୍ଘଟଣା ଘଟିଛି । ବର୍ତ୍ତମାନ ୩ ଜଣ ପରିବାର ସଦସ୍ୟଙ୍କ ଅବସ୍ଥା ସଙ୍କଟାପନ୍ନ ରହିଛି ।
ଭଞ୍ଜନଗରରୁ ରଞ୍ଜନ ସ୍ୱାଇଁ, ଇଟିଭି ଭାରତ
