ଭଞ୍ଜନଗର: ଗଞ୍ଜାମ ଓ କନ୍ଧମାଳ ସୀମାବର୍ତ୍ତୀ ଅଞ୍ଚଳ ଗମ୍ଭାରୀ ଗୋଚ୍ଛା ଗ୍ରାମରେ ଆଜି(ରବିବାର) ପୁଣି ଦେଖିବାକୁ ମିଳିଛି ଜନନୀ ଯନ୍ତ୍ରଣାର କରୁଣ ଚିତ୍ର । ଗଞ୍ଜାମ ଓ କନ୍ଧମାଳ ସୀମାନ୍ତରେ ଥିବା ଦୁର୍ଗମ ଅଞ୍ଚଳ ଗମ୍ଭାରୀଗୋଚ୍ଛା ଗ୍ରାମରେ ଗର୍ଭବତୀ ସରୋଜିନୀ ମଳିକଙ୍କ ଗର୍ଭ ଯନ୍ତ୍ରଣା ହେବାରୁ ନିକଟସ୍ଥ ଗାଲେରି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ଜଣାଇଥିଲେ ।
ଖଟିଆରେ ବୁହା ହେଲେ ଗର୍ଭବତୀ: ପୁଣି ଫେଲ୍ ମାରିଲା ସରକାରଙ୍କ ଜନନୀ ଯନ୍ତ୍ରଣା
ସେପଟେ ଗାଲେରୀ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରୁ 102 ଯାଇଥିଲା କିନ୍ତୁ ଉକ୍ତ ଗ୍ରାମକୁ ରାସ୍ତା ନଥିବାରୁ ଆମ୍ବୁଲାନ୍ସଟି ରଗାପାଦୁ ଗ୍ରାମ ନିକଟରେ ଅଟକି ଯାଇଥିଲା । ପରେ ଗମ୍ଭାରିଗୋଚ୍ଛା ଗ୍ରାମରୁ ଉକ୍ତ ଜନନୀକୁ ଏକ ଖଟିଆ ମାଧ୍ୟମରେ ଗ୍ରାମର କିଛି ଲୋକ ଆମ୍ବୁଲାନ୍ସ ନିକଟକୁ କାନ୍ଧରେ ବୋହି ନେଇଥିଲେ ।
ସେଠାରୁ 102 ଯୋଗେ ଗାଲେରୀ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ଅଣାଯାଇଥିଲା ସେଠାରେ ସରୋଜିନୀ ଏକ ପୁତ୍ର ସନ୍ତାନ ଜନ୍ମ ଦେଇଛନ୍ତି ।
ଭଞ୍ଜନଗରରୁ ରଞ୍ଜନ ସ୍ୱାଇଁ, ଇଟିଭି ଭାରତ
