ବ୍ରହ୍ମପୁର: ରାଜ୍ୟ ସରକାରଙ୍କ 'ମୋ ସରକାର' କାର୍ଯ୍ୟକ୍ରମକୁ ନେଇ ପ୍ରଶାସନ ପକ୍ଷରୁ ବେଶ ତତ୍ପରତା ଦେଖିବାକୁ ମିଳୁଛି । ବ୍ରହ୍ମପୁର ଏମ୍.କେ.ସି.ଜି ମେଡିକାଲରେ ସ୍ଥିତି ଅନୁଧ୍ୟାନ କରିଛନ୍ତି ଆରକ୍ଷୀ ଅଧୀକ୍ଷକ ପିନାକ୍ ମିଶ୍ର । ରାଜ୍ୟ ସରକାରଙ୍କ 5ଟି ଓ ଏହାର ସଫଳ ରୂପାୟନକୁ ନେଇ ସବୁ ବିଭାଗରେ ଜୋର ଦିଆଯାଉଛି । ବିଭିନ୍ନ ବିଭାଗର ସଚିବଙ୍କ ସମେତ ବହୁ ବରିଷ୍ଠ ପ୍ରଶାସନିକ ଅଧିକାରୀ ମାନେ ବିଭିନ୍ନ ଜିଲ୍ଲା ପରିକ୍ରମା କରୁଛନ୍ତି । ପ୍ରମୁଖ ମେଡିକାଲ ପରିଦର୍ଶନ କରି ସାଧାରଣ ଜନତାଙ୍କ ଠାରୁ ମତାମତ ସଂଗ୍ରହ କରାଯାଉଛି ।
ଏହି କ୍ରମରେ ବ୍ରହ୍ମପୁର ଏସପି ପିନାକ୍ ମିଶ୍ରଙ୍କ ଏମ୍.କେ.ସି.ଜି ର ବିଭିନ୍ନ ବିଭାଗ ବୁଲି ଦେଖିଥିଲେ । ଜରୁରିକାଳୀନ ଚିକିତ୍ସା ବ୍ୟବସ୍ଥା ଠାରୁ ଔଷଧ ବିତରଣ ପର୍ଯ୍ୟନ୍ତ ସବୁର ତଦାରଖ କରିଥିଲେ ।
ରୋଗୀ ଓ ସମ୍ପର୍କୀୟଙ୍କ ଠାରୁ ରୋଗୀସେବାରେ ସମସ୍ୟା ଓ ପ୍ରତିକାର ନେଇ ଆଲୋଚନା କରିଥିଲେ । ସରକାରଙ୍କ ପକ୍ଷରୁ ଡାକ୍ତରଖାନାକୁ ଦଲାଲ ମୁକ୍ତ କରିବା ପାଇଁ ଉଦ୍ୟମ ଜାରିରହିଛି । ବହୁ ସ୍ଥାନରେ ଗିରଫଦାରି ମଧ୍ୟ କରାଯାଉଥିବା ମଧ୍ୟ ସୂଚନା ଦେଇଥିଲେ ।
ବ୍ରହ୍ମପୁର ରୁ ସମୀର ଆଚାର୍ଯ୍ୟ, ଇଟିଭି ଭାରତ
