ଗଞ୍ଜାମ: ଜିଲ୍ଲାର କବିସୂର୍ଯ୍ୟନଗର ଥାନା ଜକର ଗାଁରେ ଗଲା କିଛି ବର୍ଷହେବ ମଦ ବିକ୍ରି ହେବାରେ ଲାଗିଛି । ଯଦ୍ବାରା ଯୁବପିଢ଼ି ପଥଭ୍ରଷ୍ଟ ହେବାସହ ଅନେକଙ୍କ ସଂସାର ଉଜୁଡି ଗଲାଣି । ଯାହାକୁ ନେଇ ଗାଁରେ ଅଶାନ୍ତି ଲାଗି ରହିଛି । ତେବେ ମଦ ବିକ୍ରିକୁ ବନ୍ଦ କରିବା ନେଇ ବାରବାର ଅଭିଯୋଗ ସତ୍ତ୍ବେ କୌଣସି ଫଳ ମିଳିନାହିଁ ।
ଭିଡିଓ ସୌଜନ୍ୟ: ପ୍ରତିନିଧି, ଗଞ୍ଜାମ
ଯେଉଁଥିପାଇଁ ଶନିବାର ଉକ୍ତ ଗାଁର ସମସ୍ତ ମହିଳାମାନେ ଏକ ଶୋଭାଯାତ୍ରାରେ ଆସି ପଞ୍ଚାୟତ କାର୍ଯ୍ୟାଳୟକୁ ଘେରାଉ କରିବା ସହିତ ମଦ ବିକ୍ରିକୁ ତୁରନ୍ତ ବନ୍ଦ କରିବାକୁ ଦାବି କରିଛନ୍ତି । ଏହାକୁ ବନ୍ଦ କରାନଗଲେ ଆସନ୍ତା ଦିନରେ ଆନ୍ଦୋଳନକୁ ଆହୁରି ଜୋରଦାର କରାଯିବ ବୋଲି ମହିଳାମାନେ ଚେତାବନୀ ଦେଇଛନ୍ତି ।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
