ଭଞ୍ଜନଗର: ପିକଅପ ଭ୍ୟାନ ଦୁର୍ଘଟଣାରେ 4 ଗୁରୁତର 4 ଆହତ । ଏଭଳି ଏକ ଘଟଣା ଘଟିଛି ଗଞ୍ଜାମ ସୋରଡ଼ା ଥାନା ଗାଜଲବାଡ଼ି ଗ୍ରାମ ନିକଟରେ । ମିଳିଥିବା ସୂଚନା ଅନୁଯାଇ ଦାରିଙ୍ଗବାଡି ଗ୍ରାମରୁ 8 ଜଣ ଦିନ ମଜୁରିଆ କାମ ପାଇଁ ବ୍ରହ୍ମପୁରକୁ ଯାଉଥିବା ବେଳେ ପିକଅପ ଭ୍ୟାନଟି ଭାରସାମ୍ୟ ହରାଇ ରାସ୍ତା ତଳକୁ ଖସି ପଡିଥିଲା l ଫଳରେ 8 ଜଣ ଆହତ ହୋଇଥିବା ବେଳେ ସେମାନଙ୍କ ମଧ୍ୟରୁ 4 ଜଣଙ୍କ ଅବସ୍ଥା ଗୁରୁତର ରହିଛି l
ଖବର ପାଇଁ ଘଟଣା ସ୍ଥଳରେ ସୋରଡ଼ା ଅଗ୍ନିଶମ ବାହିନୀ ପହଞ୍ଚି ଆହତଙ୍କୁ ଉଦ୍ଧାର କରି ସୋରଡ଼ା ଗୋଷ୍ଠି ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଛି l ସେଠାରେ ପ୍ରାଥମିକ ଚିକିତ୍ସା କରିବାପରେ ଗୁଣ୍ଡିଚା ଦଳେଇ, ପ୍ରଶାନ୍ତ ପରିଛା, ଡମ୍ବରୁଧର ପ୍ରଧାନ, ଟିକିନା ଦଳେଇଙ୍କ ଅବସ୍ଥା ଅଧିକ ଗୁରୁତର ଥିବାରୁ ସେମାନଙ୍କୁ ବ୍ରହ୍ମପୁର ମେଡିକାଲକୁ ସ୍ଥାନାନ୍ତର କରାଯାଇଛି । ଗୁରୁତର ମାନେ ଗଜପତି ଜିଲ୍ଲା ପଦ୍ମପୁର ଅଞ୍ଚଳର ବୋଲି ଜଣାପଡିଛି । ଘଟଣା ସ୍ଥଳରେ ସୋରଡ଼ା ପୋଲିସ ପହଞ୍ଚି ଦୁର୍ଘଟଣା ଗ୍ରସ୍ତ ଗାଡିକୁ ଜବତ କରିବା ସହ ଅଧିକ ତଦନ୍ତ ଜାରି ରଖିଛି ।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
