ଭଞ୍ଜନଗର: ସରକାର ଯେତିକି ଯେତିକି ନିୟମକୁ କଡାକଡି କରୁଛନ୍ତି, ଅମାନିଆ ବ୍ୟବସାୟୀ ତାହାକୁ ଭାଙ୍ଗିବାରେ ବ୍ୟସ୍ତ । କୋରୋନା ମହାମାରୀଙ୍କୁ ନେଇ ସାରା ବିଶ୍ୱ ଦୋହଲି ଯାଇଥିବାବେଳେ କୋରୋନା ଚେନ୍କୁ ଭାଙ୍ଗିବାପାଇଁ ରାଜ୍ୟ ସରକାର ମଧ୍ୟ ସଟଡାଉନ, ଲକଡାଉନ ଜାରି କରିଛନ୍ତି ତା ସହିତ ମାସ୍କ ପିନ୍ଧିବାକୁ ମଧ୍ୟ ବାଧ୍ୟତାମୂଳକ କରିଯାଇଛି ।
ହେଲେ ଏଥିରେ ବ୍ୟତିକ୍ରମ ଦେଖିବାକୁ ମିଳିଛି ଗଞ୍ଜାମ ଜିଲ୍ଲା ଭଞ୍ଜନଗର ସହରର ବେଲଗୁଣ୍ଠା ରୋଡ଼ରେ ଥିବା ପେଟ୍ରୋଲ ପମ୍ପରେ l ପେଟ୍ରୋଲ ପକାଉଥିବା କର୍ମଚାରୀ ଜଣକ ମାସ୍କ ଭଲଭାବରେ ପିନ୍ଧିଥିଲେ ନାଁ ପେଟ୍ରୋଲ ନେବାପାଇଁ ବ୍ୟାରେଲ ଧରି ଆସିଥିବା ବ୍ୟକ୍ତିଜଣଙ୍କ ଭଲଭାବରେ ପିନ୍ଧିଥିଲେ ମାସ୍କ
। କରୋନା କଟକଣାକୁ ବେଖାତିର କରି ପେଟ୍ରୋଲ ଭରି ଚାଲିଥିଲେ କର୍ମଚାରୀ ଜଣକ ।
ଅନ୍ୟପଟେ ହେଲମେଟ ପିନ୍ଧିବା ସହ ମାସ୍କ ପିନ୍ଧି ବାଇକ ଧରି ଲୋକମାନେ ଧାଡିରେ ଅଛନ୍ତି କିନ୍ତୁ ନିୟମକୁ ବେଖାତିର କରି ମାସ୍କ ଭଲଭାବରେ ପିନ୍ଧିନଥିବା ବ୍ୟକ୍ତିଙ୍କୁ ପେଟ୍ରୋଲ ଦେବାରେ ବ୍ୟସ୍ତ କର୍ମଚାରୀ ଜଣକ । ଏଠାରେ ଗୋଟିଏ ପ୍ରଶ୍ନ ସାଧାରଣ ଲୋକଟିଏ ମାସ୍କ ପିନ୍ଧିନଥିଲେ ଫାଇନ୍ ଦେବାକୁ ପଡିଥାଏ ତାହେଲେ ପେଟ୍ରୋଲ ପମ୍ପ ମାଲିକକୁ କାହିଁକି ଫାଇନ ପଡିବ ନାହିଁ ଏଥିପ୍ରତି ପ୍ରଶାସନ ଦୃଷ୍ଟି ଦେବା ଜରୁରୀ ହୋଇପଡିଛି ।
ଭଞ୍ଜନଗରରୁ ରଞ୍ଜନ ସ୍ୱାଇଁ, ଇଟିଭି ଭାରତ
