ଭଞ୍ଜନଗର: ଜିଲ୍ଲାବାସୀଙ୍କ ସମସ୍ୟା ସମାଧାନ ପାଇଁ ତତ୍ପରତା ଦେଖାଇଛି ଗଞ୍ଜାମ ପ୍ରଶାସନ । ଭଞ୍ଜନଗର ଉପଜିଲ୍ଲାପାଳଙ୍କ ସମ୍ମିଳନୀ କକ୍ଷରେ ଅଭିଯୋଗ ଶୁଣାଣି କାର୍ଯ୍ୟକ୍ରମ କରି ଗୋଟି ଗୋଟି ଅଭିଯୋଗକୁ ଶୁଣିଛନ୍ତି ଖୋଦ ଜିଲ୍ଲାପାଳ । ତେବେ 291 ଅଭିଯୋଗକାରୀଙ୍କ ମାମଲାକୁ ଗୁରୁତର ସହ ନେଇ ଏହାର ଯଥାଶୀଘ୍ର ସମାଧାନ ପାଇଁ ବିଭାଗୀୟ ଅଧିକାରୀଙ୍କୁ ଜିଲ୍ଲାପାଳ ନିର୍ଦ୍ଦେଶ ଦେଇଛନ୍ତି ।
ସୋମବାର ଅନୁ୍ଷ୍ଠିତ ହୋଇଥିବା ଏହି ଅଭିଯୋଗ ଶୁଣାଣିରେ 270ଟି ବ୍ୟକ୍ତିଗତ ସମସ୍ୟା, 21ଟି ଗ୍ରାମାଞ୍ଚଳ ସମସ୍ୟା ରହିଛି । ସେପଟେ ଏଥିପାଇଁ ମୁଖ୍ୟମନ୍ତ୍ରୀ ରିଲିଫ ପାଣ୍ଠି ରୁ 60ହଜାର ପ୍ରଦାନ କରାଯାଇଛି । ଯାହାକୁ ରେଡ଼କ୍ରସ 11ହଜାର ଅଭିଯୋଗକାରୀଙ୍କୁ ପ୍ରଦାନ କରାଯାଇଛି । ତେବେ ଘଟଣାସ୍ଥଳରେ 8ଟି ସମସ୍ୟାର ସମାଧାନ କରାଯାଇଥିଲା ।
ଗଞ୍ଜାମ ଜିଲ୍ଲାପାଳ ଓ ଉପଜିଲ୍ଲାପାଳଙ୍କ ସମେତ ସବୁ ଲାଇନ ଡିପାର୍ଟମେଣ୍ଟ ଏବଂ ସମସ୍ତ ବ୍ଲକ ବିଡ଼ିଓ ତହସିଲଦାର ଏଠାରେ ଉପସ୍ଥିତ ରହିଥିବା ଦେଖିବାକୁ ମିଳିଛି ।
ଭଞ୍ଜନଗର ରଞ୍ଜନ ସ୍ବାଇଁ, ଇଟିଭି ଭାରତ
