ବ୍ରହ୍ମପୁର: ଗତ କିଛି ମାସର ବ୍ୟବଧାନ ପରେ ବ୍ରହ୍ମପୁର ସହରରେ ଫୁଟିଛି ଗୁଳି । ସହରର ଗୋଷାଣି ନୂଆଗାଁ ଥାନା ଅଞ୍ଚଳ ଶାଳିଆବନ୍ଧ ସାହି ଛକରେ ଏଭଳି ଗୁଳିକାଣ୍ଡ ହୋଇଛି । ଏଥିରେ ତିନି ରାଉଣ୍ଡ ଗୁଳି ଫୁଟିଥିବା ବେଳେ ଜଣେ ଆହାତ ହୋଇଛନ୍ତି ।
ଗୋଷାଣିନୂଆଗାଁରେ ଗୁଳିକାଣ୍ଡ: ଜଣେ ଆହାତ
ଆହାତ ଯୁବକ ଜଣଙ୍କ ରିଙ୍କୁ ଚୌଧୁରୀ ଓରଫ ସଚିନ(୨୮) ବୋଲି ଜଣାଯାଇଛି । ଆହାତଙ୍କୁ ସ୍ଥାନୀୟ MKCG ମେଡିକାଲରେ ଭର୍ତ୍ତି କରାଯାଇଛି । ସଚିନ ରଣ୍ଢା ଠାରେ ପରିବା ବ୍ୟବସାୟୀ କରୁଥିବା ଜଣାପଡିଛି । ପୂର୍ବ ଶତ୍ରୁତାକୁ କେନ୍ଦ୍ର କରି ଗୁଳିକାଣ୍ଡ ହୋଇଥିବା ଜଣାଯାଇଛି । ଶାଳିଆବନ୍ଧ ସାହିରେ ମହାନଗର ନିଗମ ପକ୍ଷରୁ ଜବରଦଖଲ ଉଚ୍ଛେଦ ଚାଲିଥିବା ବେଳେ ସ୍ଥାନୀୟ ଅଞ୍ଚଳରେ ପୋଲିସ ମୃତୟନ ରହିଥିବା ବେଳେ ଲୋକଙ୍କ ଭିଡ଼ ରହିଥିଲା ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
