ବ୍ରହ୍ମପୁର: ଓଡିଶା ଆଦର୍ଶ ବିଦ୍ୟାଳୟର ମେଧାବୀ ସମ୍ମାନ ସମାରୋହ ଗଞ୍ଜାମ ଜିଲ୍ଲାର ସଦର ମହକୁମ୍ମା ଛତ୍ରପୁର ଠାରେ ଅନୁଷ୍ଠିତ ହୋଇଯାଇଛି । ସ୍ଥାନୀୟ ଜିଲ୍ଲାପରିଷଦ ଭବନରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ରୂପେ ଗଞ୍ଜାମ ଜିଲ୍ଲାପାଳ ବିଜୟ ଅମୃତ କୁଲାଙ୍ଗେ ଯୋଗ ଦେଇ ବିଦ୍ୟାର୍ଥୀ ମାନେ ପରିଶ୍ରମ ଓ ଇଚ୍ଛାଶକ୍ତି ଉଭୟକୁ ପ୍ରସାରିତ କରିବାକୁ ଦେଇଛନ୍ତି ପରାମର୍ଶ ।
ଗ୍ରାମାଞ୍ଚଳର ବିଦ୍ୟାର୍ଥୀ ଙ୍କୁ ଇଂରାଜୀ ମାଧ୍ୟମରେ ଶିକ୍ଷା ପ୍ରଦାନ କରି ସର୍ବଭାରତୀୟ ସମକକ୍ଷ କରିବାକୁ ୨୦୧୬ ମସିହାରେ ରାଜ୍ୟରେ ଆରମ୍ଭ ହୋଇଥିଲା ଓଡିଶା ଆଦର୍ଶ ବିଦ୍ୟାଳୟ । ପ୍ରଥମେ ଗଞ୍ଜାମର ୧୩ ଟି ବ୍ଲକରେ ସ୍ଥାପନ କରାଯାଇଥିବା ବେଳେ ବର୍ତ୍ତମାନ ସମସ୍ତ ବ୍ଲକକୁ ପ୍ରସାରିତ ହୋଇପାରିଥିବା ବେଳେ ଚଳିତବର୍ଷ ଏହି ବିଦ୍ୟାଳୟ ଗୁଡିକରେ ପ୍ରଥମ ବ୍ୟାଚ ସର୍ବଭାରତୀୟ ବୋର୍ଡ ପରୀକ୍ଷାରେ ୯୩୭ ଜଣ ଛାତ୍ରଚାତ୍ରୀ ପରୀକ୍ଷା ଦେଇଥିବା ବେଳେ ସେଥିମଧ୍ୟରୁ ୮୮୪ ଜଣ ଉତ୍ତୀର୍ଣ୍ଣ ହୋଇଥିବା ବେଳେ ଜିଲ୍ଲାରେ ୯୪ ପ୍ରତିଶତ ପାସ ହାର ରହିଛି । ଏପରିକି ଜିଲ୍ଲାର ୮୩ ପ୍ରତିଶତ ଛାତ୍ରଛାତ୍ରୀ ଶତକଡା ୯୦ ଭାଗରୁ ଅଧିକ ନମ୍ୱର ରଖଛନ୍ତି।
କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ଗଞ୍ଜାମ ଆରକ୍ଷୀ ଅଧିକ୍ଷକ ବ୍ରିଜେଶ କୁମାର ରାୟ , ଅତିରିକ୍ତ ଜିଲ୍ଲାପାଳ କବୀନ୍ଦ୍ର କୁମାର ସାହୁ ଓ ଲକ୍ଷ୍ମୀକାନ୍ତ ସେଠୀ, ଜିଲ୍ଲା ଶିକ୍ଷାଧିକାରୀ ସନାତନ ପଣ୍ଡାଙ୍କ ସମେତ ଜିଲ୍ଲାପ୍ରଶାସନର ବହୁ ଅଧିକାରୀ ଉପସ୍ଥିତ ରହିଥିଲେ । ଏହି ଅବସରରେ ବହୁ କୃତି ବିଦ୍ୟାର୍ଥୀ ଙ୍କୁ ସମ୍ବର୍ଦ୍ଧିତ ମଧ୍ୟ କରାଯାଇଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
