ଗଞ୍ଜାମ: କାମ କରୁନି ପୋଲିସର ପାଟ୍ରୋଲିଂ, ଅପରାଧିଙ୍କ ଭୟ ନାହିଁ ଆଇନ କାନୁନ ପ୍ରତି । ଫଳରେ ଦିନକୁ ଦିନ ରାଜ୍ୟରେ ଚୋରି ଡକାୟତ ବଢିବଢି ଚାଲିଛି ।
ଆଜି ପୁଣି ଜଣେ ଗୋରୁ ବେପାରୀଙ୍କ ଠାରୁ ମାଉଜର ଦେଖାଇ 1ଲକ୍ଷ 10 ହଜାର ଟଙ୍କା ଲୁଟି ନେଇଛନ୍ତି ଦୁର୍ବୃତ୍ତ । ଘଟଣାଟି ଘଟିଛି ଗଞ୍ଜାମ ଜିଲ୍ଲା ଗାଙ୍ଗପୁର ଥାନା କଣ୍ଟେଇପଲ୍ଲୀ ଜଙ୍ଗଲରେ । ଜଣେ ଗୋରୁ ବ୍ୟବସାୟୀ ଯାଉଥିବାବେଳେ ଦୁର୍ବୃତ୍ତ ତାଙ୍କ ଠାରୁ ଟଙ୍କା ଲୁଟି ନେଇଛନ୍ତି । ଲୁଟ ଶିକାର ହୋଇଥିବା ଗୋରୁବେପାରୀ ହେଉଛନ୍ତି ଲାଠିପଡ଼ା ଗ୍ରାମର ଡାକ ନାଏକ । ଦୁର୍ବୃତ୍ତ ତିନୋଟି ବାଇକରେ 6 ଜଣ ଆସି ଟଙ୍କା ଲୁଟ କରିଛନ୍ତି ।
ଭିଡିଓ ସୌଜନ୍ୟ: ପ୍ରତିନିଧି, ଭଞ୍ଜନଗର
ତେବେ ସାଙ୍ଗରେ ଆଣିଥିବା ବୋମା ଦୁର୍ଭାଗ୍ୟବଶତଃ ବିସ୍ପୋରଣ ହୋଇଯିବାରୁ ଜଣଙ୍କର ମୃତ୍ୟୁ ଘଟିଛି । ମୃତକ ଜଣଙ୍କ ହେଲେ ବଡବରସିଂ ଗ୍ରାମର ଚରଣ ରାଉତ । ଘଟଣାସ୍ଥଳରୁ ଅନ୍ୟମାନେ ଫେରାର ହୋଇଯାଇଥିବାବେଳେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।
ଭଞ୍ଜନଗରରୁ ରଞ୍ଜନ ସ୍ୱାଇଁ, ଇଟିଭି ଭାରତ
