ଲକଡାଉନରେ ଚୋରାରେ ଖଇନି ବିକ୍ରି, 3 ବ୍ୟବସାୟୀ ଅଟକ

ବିଶେଷ ସୂତ୍ରରୁ ଖବର ପାଇ ପୋଲିସ ତିନୋଟି ସ୍ଥାନରେ ଚଢ଼ାଉ କରିଥିଲା । ସେଠାରୁ ବିପୁଳ ପରିମାଣର କଞ୍ଚାମାଲ ସହିତ ଖଇନି ତିଆରି ମେସିନକୁ ଜବତ ।

ଭଞ୍ଜନଗର: ଗଞ୍ଜାମ ଜିଲ୍ଲା ଗାଙ୍ଗପୁର ଥାନା ଅନ୍ତର୍ଗତ ବାଲିସାହି, ବାଘୁଆ ପଲ୍ଲୀ, ଗାଙ୍ଗପୁର 3ଟି ସ୍ଥାନରେ ରାତି ଅଧିଆ ପୋଲିସର ଚଢାଉ । ଦଶ ଲକ୍ଷରୁ ଉର୍ଦ୍ଧ୍ବ ଟଙ୍କାର ଶାମୁକା ଓ ମାଛ ମାର୍କା ଖଇନି, ବ୍ୟବହୃତ କଞ୍ଚାମାଲ ସହିତ ମେସିନ ଜବତ ସହ ତିନି ବ୍ୟବସାୟୀ ଅଟକ ।

କୋରୋନା ମହାମାରୀ ଯୋଗୁଁ ସବୁଆଡେ ଲକଡାଉନ ଥିବାବେଳେ ଚୋରାରେ ଖଇନି ଚଢାଦରରେ ବ୍ୟବସାୟ କରି ବେପାରୀ ମାଲେମାଲ ।

ସୂଚନାଥାଉକି, ବିଶେଷ ସୂତ୍ରରୁ ଖବର ପାଇ ପୋଲିସ ତିନୋଟି ସ୍ଥାନରେ ଚଢ଼ାଉ କରିଥିଲା । ସେଠାରୁ ବିପୁଳ ପରିମାଣର କଞ୍ଚାମାଲ ସହିତ ମାଛ ଓ ଶାମୁକା ମାର୍କାର ଖଇନି ସାଙ୍ଗକୁ ଖଇନି ତିଆରି ମେସିନକୁ ଜବତ କରି ତିନିଜଣ ବ୍ୟବସାୟୀଙ୍କୁ ଅଟକ ରଖିଛି । ଜବତ ହୋଇଥିବା ସାମଗ୍ରୀର ମୂଲ୍ୟ ଦଶ ଲକ୍ଷ ରୁ ଉର୍ଦ୍ଧ ହେବ ବୋଲି ସୂଚନା ଦେଇଛି ପୋଲିସ । ଶନିବାର ଅଭିଯୁକ୍ତ ମାନଙ୍କୁ କୋର୍ଟ ଚାଲାଣ କରାଯିବ ।

ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ