ଭଞ୍ଜନଗର: ଧରାପଡିଲା ବାଇକ ଲୁଟେରା । ଗଞ୍ଜାମ ଜିଲ୍ଲା କବିସୂର୍ଯ୍ୟନଗର ପୋଲିସର ଚଢାଉବେଳେ ଧରାପଡିଛି ବାଇକ ଲୁଟେରା । ଚଢାଉବେଳେ 5ଟି ବାଇକ ଜବତ କରିବା ସହ ଅଭିଯୁକ୍ତକୁ ଗିରଫ କରିବାରେ ସଫଳ ହୋଇଛି କବିସୂର୍ଯ୍ୟନଗର ପୋଲିସ ।
ଗତକାଲି(ସୋମବାର) ରାତିରେ କୌଣସି ସୂତ୍ରରୁ ଖବର ପାଇ ବଡଆଗୁଳ ଗ୍ରାମରେ ପୋଲିସ ଚଢ଼ାଉ କରିଥିଲା । ମାଣ୍ଡିଆ ବିଶ୍ବାଳଙ୍କ ଘରୁ 5ଟି ବାଇକ ପୋଲିସ ଜବତ କରିବା ସହ ମାଣ୍ଡିଆ ବିଶ୍ବାଳକୁ ଗିରଫ କରିବାରେ ପୋଲିସ ସଫଳ ହୋଇଛି ।
ସେ ଦୀର୍ଘଦିନ ହେଲା କବିସୂର୍ଯ୍ୟନଗର ଅଞ୍ଚଳରୁ ବାଇକ ଚୋରି କରି ଚମ୍ପଟ ମାରୁଥିଲା । ଆଜି(ମଙ୍ଗଳବାର) ମାଣ୍ଡିଆକୁ କୋର୍ଟ ଚାଲାଣ କରାଯାଇଥିବା କବିସୂର୍ଯ୍ୟନଗର ଥାନା ଅଧିକାରୀ ସୂଚନା ଦେଇଛନ୍ତି ।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
