ବ୍ରହ୍ମପୁର: ଗଞ୍ଜାମ ଜିଲ୍ଲାର ଗ୍ରାମାଞ୍ଚଳରେ ୮୪ ପ୍ରତିଶତ ରହିଛି ଗ୍ରୀନଜୋନ୍ । ଗତ ସପ୍ତାହ ତଳେ ଏହା ୮୦ ପ୍ରତିଶତ ରହିଥିଲା । ଏହା ନିୟମିତ ଭାବରେ ବୃଦ୍ଧି ପାଇବା ସହ ବର୍ତ୍ତମାନ ଏଭଳି ସ୍ଥିତିରେ ପହଞ୍ଚିଥିବାବେଳେ ଆଉ ୧୬ରୁ ୧୭ ପ୍ରତିଶତ ରେଡ୍ ଜୋନ୍ ରହିଛି । ତେବେ ସଂପୂର୍ଣ୍ଣ ଗ୍ରାମାଞ୍ଚଳକୁ କିପରି ରେଡ ଜୋନରୁ ଗ୍ରୀନଜୋନ କରାଯିବ, ସେ ନେଇ ଜିଲ୍ଲାପ୍ରଶାସନ ପକ୍ଷରୁ ଉଦ୍ୟମ ଜାରି ରହିଛି ।
ଏପରିକି ଗତ କିଛି ଦିନ ମଧ୍ୟରେ ପାତ୍ରପୁର ଏବଂ ସାନଖେମୁଣ୍ଡିର କେତେକ ଗ୍ରାମରୁ ପଜିଟିଭ ଚିହ୍ନଟ ହେଉଥିଲେ । ଏହାକୁ ନେଇ ପ୍ରଶାସନ ପକ୍ଷରୁ ମାଇକ୍ରୋ ପ୍ଲାନ୍ ଏବଂ ଜିଲ୍ଲାକୁ ଆସିଥିବା ଅଧିକାରୀ ଓ ଡାକ୍ତରଙ୍କୁ ନେଇ ଟାସ୍କ କରାଯାଇ କିପରି କୋଭିଡ ପରିଚାଳନାରେ ସଫଳ ହେବେ ସେ ନେଇ କାର୍ଯ୍ୟ ଜାରି ରଖାଯାଇଛି । ଜିଲ୍ଲାରେ ରହିଥିବା ରୋଡ ଜୋନକୁ ସଂପୂର୍ଣ୍ଣ ଗ୍ରୀନଜୋନରେ ପରିଣତ କରାଯିବାକୁ ସମସ୍ତ ପ୍ରକାର ଉଦ୍ୟମ ଜାରି ରଖିଛି ପ୍ରଶାସନ ।
ଏବେବି ବିଭିନ୍ନ ପଡୋଶୀ ରାଜ୍ୟରୁ ପ୍ରବାସୀ ଓଡିଆମାନେ ଗଞ୍ଜାମ ଜିଲ୍ଲାକୁ ଫେରୁଥିବା ବେଳେ ଏହାକୁ ଦୃଷ୍ଟିରେ ରଖି କ୍ଲଷ୍ଟରସ୍ତରୀୟ ଟିଏମସି ପ୍ରସ୍ତୁତ କରାଯାଇ ପ୍ରାୟ ୧୦ ହଜାର ବ୍ୟକ୍ତିବିଶେଷ ରହିବା ପାଇଁ ପ୍ରସ୍ତୁତି କରାଯାଇଛି । ଅଦ୍ୟବଧି ବିଭିନ୍ନ ସ୍ଥାନରେ ୨୮୦୦ ବ୍ୟକ୍ତିବିଶେଷ ରହିଛନ୍ତି । ପୁଣି ଗ୍ରାମାଞ୍ଚଳସ୍ତରରେ କୋଭିଡ କେୟାର ପାଇଁ ପ୍ରାୟ ୫୦୭୪ ବେଡ ପ୍ରସ୍ତୁତ କରାଯାଇଥିବା ବେଳେ ସାମାନ୍ୟ ଲକ୍ଷଣ ପାଇଁ ଗ୍ରାମସ୍ତରରେ ବ୍ୟବସ୍ଥା କରାଯାଇଛି । ଏପରିକି କୋଭିଡ ମନିଟର ଏବଂ ମ୍ୟାନେଜମେଣ୍ଟ ବ୍ୟବସ୍ଥା ଜାରି ରହିଛି ।
ପାନୀୟ ଜଳ ଠାରୁ ଆରମ୍ଭ କରି ପରିମଳ ଏବଂ ଖାଦ୍ୟ ସାମଗ୍ରୀ ପ୍ରଦାନପାଇଁ ଅନେକ କାର୍ଯ୍ୟ କରୁଛନ୍ତି କୋଭିଡ ଯୋଦ୍ଧା । ଏପରିକି ପ୍ରତେକ ସେଣ୍ଟରରେ ମାଇକ୍ ଦ୍ବାରା ସେଠାରେ ରହୁଥିବା ପଜିଟିଭଙ୍କୁ ଅଧିକରୁ ଅଧିକ ସହଯୋଗ କରିବାକୁ ପ୍ରଚାର କରାଯାଉଛି । ଏଣୁ ସମସ୍ତେ ଟିମକୁ ସହଯୋଗ କରିବା ସହ ଟିମ୍ ମ୍ୟାନେଜମେଣ୍ଟ କାର୍ଯ୍ୟକୁ ଆହୁରି ସୁଦୃଢ କରିବାକୁ ଆହ୍ବାନ କରାଯାଇଛି ।
ବ୍ରହ୍ମପୁର ମହାନଗରରେ ନିମଗର କମିଶନରଙ୍କ ଠାରୁ ଆରମ୍ଭ କରି ବ୍ରହ୍ମପୁର ଉପଖଣ୍ଡସ୍ତରରେ ଉପଜିଲ୍ଲାପାଳ ଏବଂ ଛତ୍ରପୁର, ଭଞ୍ଜନଗରରେ ଉପଖଣ୍ଡସ୍ତରୀୟ ସ୍ବତନ୍ତ୍ର ଅତିରିକ୍ତ ଜିଲ୍ଲାପାଳ ଏଭଳି କାର୍ଯ୍ୟକୁ ସଂପୂର୍ଣ୍ଣ ଭାବରେ ତଦାରଖ କରୁଛନ୍ତି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
