ଭଞ୍ଜନଗର: ବେଆଇନ ଭାବେ ନିଶାଦ୍ରବ୍ୟର ଚୋରା ଚାଲାଣ ବଢିବାରେ ଲାଗିଛି । ଗଞ୍ଜାମ ଜିଲ୍ଲାରେ ଚୋରା ଗଞ୍ଜେଇ ଚାଲାଣ କରି ପୋଲିସ କବଳରେ ଦୁଇ ଦୁର୍ବୃତ୍ତ । ସେମାନଙ୍କଠାରୁ 10କେଜି 560ଗ୍ରାମର ଗଞ୍ଜେଇ ଜବତ କରିଛି ପୋଲିସ ।
ସୂଚନାଅନୁସାରେ, ଜିଲ୍ଲାରେ ପାଟ୍ରୋଲିଂ ବ୍ୟବସ୍ଥାକୁ କଡା କଡି କରାଯାଇଛି । ବୁଧୁବାର ରାତିରେ ବଡ଼ଗଡ଼ ଥାନା ସବ ଇନିସପେକ୍ଚର ଦେବଦତ୍ତ ପ୍ରିୟଦର୍ଶୀ ପାଟ୍ରାଲିଂ କରୁଥିବା ସମୟରେ ଲଳିତପୁର ଛକ ନିକଟରେ ଦୁଇ ଗଞ୍ଜେଇ ବେପାରୀଙ୍କୁ କାବୁ କରିଥିଲେ । ସେମାନଙ୍କଠାରୁ 10କେଜି 560ଗ୍ରାମର ଗଞ୍ଜେଇ ଜବତ କରିଛି ଯାହାର ମୂଲ୍ୟ 50ହଜାରରୁ ଅଧିକ ହେବ ବୋଲି କହିଛି ପୋଲିସ ।
ଦୁଇ ଅଭିଯୁକ୍ତଙ୍କୁ ଗିରଫ କରିବା ସହିତ ସେମାନଙ୍କଠାରୁ ଦୁଇଟି ବାଇକ ମଧ୍ଯ ଜବତ ହୋଇଛି । ଗିରଫ ଦୁଇଜଣ ହେଲେ ଗଞ୍ଜାମ ଜିଲ୍ଲା ଜରଡ଼ା ଥାନା ଅନ୍ତର୍ଗତ ପୂହୁଡି ଗ୍ରାମର ତପନ କୁମାର ମିଶ୍ର ଓ ସରୋଜ କୁମାର ବେହେରା । ସେମାନଙ୍କୁ ଆଜି କୋର୍ଟ ଚାଲାଣ କରାଯିବା ନେଇ ପୋଲିସ ପକ୍ଷରୁ ସୂଚନା ମିଳିଛି ।
ଭଞ୍ଜନଗରରୁ ରଞ୍ଜନ ସ୍ୱାଇଁ,ଇଟିଭି ଭାରତ
