ବ୍ରହ୍ମପୁର: ହନିଟ୍ରାପରେ ଛନ୍ଦି ହୋଇ ରାଜସ୍ଥାନ ପୋଲିସ ହାତରେ ଗିରଫ ହୋଇଛନ୍ତି ଓଡିଆ ଯବାନ ବିଚିତ୍ର ବେହେରା । ପାକିସ୍ତାନ ଗୁଇନ୍ଦା ସଂସ୍ଥା ଆଇଏସଆଇକୁ ଦେଶର ଗୁରୁତ୍ବପୂର୍ଣ୍ଣ ତଥ୍ୟ ଦେଇଥିବା ଭଳି ସଙ୍ଗୀନ ଅଭିଯୋଗ ଅଛି ତାଙ୍କ ନାମରେ । ତେବେ ବିଚିତ୍ର ଗିରଫ ହେବା ପରେ ଆମେ ପହଞ୍ଚିଥିଲୁ ତାଙ୍କ ଗାଁ ଆଙ୍କରଡାରେ । ଯାହାକି ଗଞ୍ଜାମ ଜିଲ୍ଲା ହିଞ୍ଜିଳିକାଟୁ ନିକଟବର୍ତ୍ତିରେ ଅବସ୍ଥିତ ।
ହନିଟ୍ରାପରେ ଓଡିଆ ଯବାନ; ବିଚିତ୍ର କିଛି ଭୁଲ୍ କରିନଥିବା କହିଲେ ପରିବାର ଲୋକେ
ବିଚିତ୍ର ଗିରଫ ହେବା ପରେ ଭାଙ୍ଗି ପଡିଛନ୍ତି ପରିବାରଲୋକେ । ପୁଅ ସହ ଯୋଗଯୋଗ ହୋଇପାରୁନଥିବା କହିଛନ୍ତି ବିଚିତ୍ରଙ୍କ ବାପା । ପୁଅ ସେପରି କିଛି ଭୁଲ କାର୍ଯ୍ୟ କରିନଥିବା ନେଇ ମଧ୍ୟ କହିଛନ୍ତି । ବିଚିତ୍ରଙ୍କୁ ଫେରାଇ ଦେବାକୁ ସେ ଅନୁରୋଧ କରିଛନ୍ତି ।
ସୂଚନା ଅନୁସାରେ, ଗତ 4 ବର୍ଷ ହେବ ବିଚିତ୍ର ସେନାରେ ନିଯୁକ୍ତି ପାଇଥିଲେ । ହେଲେ ସୋସିଆଲ ମିଡିଆ ମାଧ୍ୟମରେ ପାକିସ୍ତାନର ଗୁଇନ୍ଦା ଏଜେଣ୍ଟକୁ ଗୁରୁତ୍ବପୂର୍ଣ୍ଣ ତଥ୍ୟ ଦେବା ଅଭିଯୋଗରେ ରାଜସ୍ଥାନ ପୋଲିସ ତାଙ୍କୁ ଗିରଫ କରିଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
