ଭଞ୍ଜନଗର: ଶାନ୍ତି କମିଟି ଡକାଇଲେ ପୋଲସରା ବିଧାୟକ ଶ୍ରୀକାନ୍ତ ସାହୁ । ଦୀର୍ଘ ପାଞ୍ଚ ବର୍ଷ ହେବ ଗଞ୍ଜାମ ବୁଗୁଡ଼ା ଥାନା ଗୋଲିଆ ଗ୍ରାମରେ ଗୋଷ୍ଠୀ ସଂଘର୍ଷ ଲାଗିରହିଛି । ଯାହାକୁ ନେଇ ଗୋଲିଆ ଗ୍ରାମରେ ଶାନ୍ତି କମିଟି ଡକାଇଛନ୍ତି ପୋଲସରା ବିଧାୟକ ଶ୍ରୀକାନ୍ତ ସାହୁ ।
ସୂଚନା ଅନୁଯାୟୀ, ଦୀର୍ଘ ପାଞ୍ଚ ବର୍ଷ ହେବ ଗୋଲିଆ ଗ୍ରାମରେ ଗୋଷ୍ଠୀ ସଂଘର୍ଷ ଲାଗିରହିଛି । କେତେବେଳେ ଗ୍ରାମରେ ବୋମାମାଡ ତ କେତେବେଳେ ଗୁଳି ମାଡ ଭଳି ଘଟଣା ଘଟୁଛି । ଏଭଳି ସ୍ଥିତିରେ ଗ୍ରାମରେ ଉତ୍ତେଜନା ଲାଗିରହିଛି ।
ବୋମା ମାଡ ଓ ଗୁଳି ମାଡ଼ ଘଟଣାରେ ପୋଲିସ 6 ଜଣକୁ ଗିରଫ କରିଥିବା ବେଳେ ଗ୍ରାମରେ ଏନେଇ ଉତ୍ତେଜନା ଲାଗିରହିଛି । ଯାହାକୁ ନେଇ ଗ୍ରାମରେ ଶାନ୍ତି ଫେରାଇ ଆଣିବା ପାଇଁ ସ୍ଥାନୀୟ ବିଧାୟକ ଶ୍ରୀକାନ୍ତ ସାହୁ ଉଦ୍ୟମ ଆରମ୍ଭ କରିଛନ୍ତି ।
ସେ ଗ୍ରାମରେ ଏକ ସାଧାରଣ ବୈଠକ ଡକାଇ ଉଭୟ ଗୋଷ୍ଠୀର ଲୋକଙ୍କ ସହ ଆଲୋଚନା କରି ଏକ ଶାନ୍ତି କମିଟି ଗଠନ କରିଛନ୍ତି । ଯେପରିକି ଆଗାମୀ ଦିନରେ ସମସ୍ତେ ଭାଇଚାରାରେ ଚଳିବେ ସେନେଇ ଏହି ବୈଠକରେ ଆଲୋଚନା ହୋଇଛି । ତେବେ ବିଧାୟକଙ୍କ ଏଭଳି କାର୍ଯ୍ୟକୁ ଜନସାଧାରଣ କେତେଦୂର ସଫଳ କରୁଛନ୍ତି ତାହା ଦେଖିବାକୁ ବାକି ରହିଲା ।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
