ବ୍ରହ୍ମପୁର: ଗଞ୍ଜାମ ଜିଲ୍ଲା ଖଲ୍ଲିକୋଟ ଥାନା ଅଞ୍ଚଳର ଯୁବକଙ୍କୁ ପିଟିପିଟି ହତ୍ୟା କରାଯିବା ଘଟଣା । ଯୁବକଙ୍କ ଅତ୍ୟନ୍ତ ନିର୍ମମ ଭାବେ ହତ୍ୟା କରାଯାଇଥିବାର ଦୃଶ୍ୟ ଏବେ ସିସିଟିଭି ଫୁଟେଜରେ କଏଦ ହୋଇଛି । ଯାହା ବର୍ତ୍ତମାନ ସମୟରେ ଭାଇରାଲ ହେବାରେ ଲାଗିଛି ।
ଖଲ୍ଲିକୋଟ ଯୁବକଙ୍କ ହତ୍ୟା ଘଟଣା
କେଶପୁର ନିକଟସ୍ଥ ପେଟ୍ରୋଲ ପମ୍ପ ପରିସରରେ କିଛି ଦୁର୍ବୃତ୍ତ ସ୍ଥାନୀୟ ରାମଚନ୍ଦ୍ରପୁର ଗାଁର ଶଙ୍କର ପାହାନଙ୍କୁ ଅତ୍ୟନ୍ତ ନିର୍ମମ ଭାବେ କାଠ ଫାଳିଆ ଓ ଇଟା ଖଣ୍ଡରେ ପିଟିପିଟି ହତ୍ୟା କରିଥିଲେ । ଏହା ପରେ ସେମାନେ ଘଟଣାସ୍ଥଳରୁ ଗାଏବ ହୋଇଯାଇଥିଲେ । କିନ୍ତୁ ସମ୍ପୂର୍ଣ୍ଣ ଘଟଣାଟି ପେଟ୍ରୋଲ ପମ୍ପରେ ଲାଗିଥିବା ସିସିଟିଭି କ୍ୟାମରାରେ କଏଦ ହୋଇଯାଇଥିଲା ।
ଗତ 21 ତାରିଖରେ ଏହି ଘଟଣାଟି ଘଟିଥିବା ବେଳେ ପ୍ରେମ ଜନିତ ହତ୍ୟାକାଣ୍ଡ ବୋଲି ସନ୍ଦେହ କରାଯାଉଥିଲା । ତେବେ ଏହି ଫୁଟେଜ ମାଧ୍ୟମରେ ପୋଲିସକୁ ଅଧିକ ଖବରର ତଥ୍ୟ ମିଳିବ ବୋଲି ଆଶା କରାଯାଉଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
