ଭଞ୍ଜନଗର: ଗଞ୍ଜାମରୁ 3 କ୍ୟୁଣ୍ଟାଲରୁ ଅଧିକ ଗଞ୍ଜେଇ ଜବତ । ଜିଲ୍ଲାରୁ ବାହାରକୁ ଚାଲାଣ ହେଉଥିବା ସମୟରେ ଜବତ କରିଛି ପୋଲିସ । ଜବତ ଗଞ୍ଜେଇର ଆନୁମାନିକ ମୂଲ୍ୟ 80 ଲକ୍ଷରୁ ଅଧିକ ହେବ ।
80 ଲକ୍ଷରୁ ଊର୍ଦ୍ଧ୍ବ ଗଞ୍ଜେଇ ଜବତ, ଜଣେ ଗିରଫ
ସୂଚନା ଅନୁଯାୟୀ ଗତକାଲି(ଗୁରୁବାର) ବଡ଼ଗଡ଼ ଥାନା ମୋହନା ରାସ୍ତାରେ ଗାଡି ଚେକିଂ ଚାଲିଥିଲା । ଏହି ସମୟରେ ଏକ ପିକଅପ ଭ୍ୟାନ ଦୃତ ଗତିରେ ଆସୁଥିଲା । ପୋଲିସକୁ ଦେଖି କିଛି ବାଟ ଯିବାପରେ ଡାଳଖାଇ ଠାରେ ଗାଡିଟିକୁ ଛାଡି ଡ୍ରାଇଭର ଫେରାର ହୋଇଯାଇଥିଲା । ପୋଲିସ ଚେକିଂ କରିବାରୁ ଗାଡିରୁ ଗଞ୍ଜେଇ ଗନ୍ଧ ଆସିଥିଲା । ଫଳରେ ମାଜିଷ୍ଟ୍ରେଟଙ୍କ ଉପସ୍ଥିତିରେ ଗାଡିକୁ ଯାଞ୍ଚ କରାଯାଇଥିଲା ।
ଏଥିରୁ 320 କେଜି ଗଞ୍ଜେଇ ଜବତ ହୋଇ ଥିବାବେଳେ ଜଣଙ୍କୁ ଗିରଫ କରିଛି ପୋଲିସ । ଗିରଫ ବ୍ୟକ୍ତି ଜଣକ ଆର. ଉଦୟଗିରିର ଥୋମାସ ପୂଜାରୀ ବୋଲି ଜଣାପଡିଛି ।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
