ଭଞ୍ଜନଗର: ସାରା ଦେଶରେ ଆଜି ଖୁସି ଏବଂ ଉଲ୍ଲାସର ସହ ଦୀପାବଳୀ ପାଳନ ହେଉଥିବା ବେଳେ ଗଞ୍ଜାମ ଜିଲ୍ଲାରେ ଖେଳିଯାଇଛି ଦୁଖଃର ବାତାବରଣ । ଦୀପାବଳୀ ପାଇଁ ଲଗାଯାଇଥିବା ଦୀପରୁ ଅଗ୍ନିକାଣ୍ଡ ଘଟି ଆଖିପିଛୁଳାକେ ପାଉଁଷ ହୋଇଗଲା ଏକ ଦୋକାନ । ଗଞ୍ଜାମ ଜିଲ୍ଲା ସୋରଡ଼ା ଥାନା ଅନ୍ତର୍ଗତ ସାନସୋରଡ଼ା ଗ୍ରାମରେ ଘଟିଛି ଏଭଳି ଅଘଟଣ ।
ଭିଡିଓ ସୌଜନ୍ୟ: ପ୍ରତିନିଧି, ଭଞ୍ଜନଗର
ସାନସୋରଡ଼ା ଗ୍ରାମରେ ଖୁସି ଏବଂ ଉଲ୍ଲାସର ସହ ଆଜି ଦୀପାବଳୀ ପାଳନ ହେଉଥିଲା । ଏହି ସମୟରେ ଗ୍ରାମର ସତ୍ୟ ନାରାୟଣ ସାହୁଙ୍କ ଦୋକାନରେ ଅଗ୍ନିକାଣ୍ଡ ଘଟିଥିଲା । ଦେଖୁ ଦେଖୁ ନିଆଁ ଚାରିଆଡେ ବ୍ୟାପି ଯାଇଥିଲା । ତେବେ ଅଗ୍ନିଶମ ବିଭାଗ ତୁରନ୍ତ ଘଟଣା ସ୍ଥଳକୁ ଆସି ନିଆଁକୁ ଆୟତ୍ତ କରିଥିଲେ। ଘଟଣାରେ ଦୋକାନ ମାଲିକ ସତ୍ୟ ନାରାୟଣ ସାହୁ ସାମାନ୍ୟ ଆହତ ହୋଇଥିବା ଜଣାପଡିଛି।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
