ବ୍ରହ୍ମପୁର: ଗଞ୍ଜାମରେ ଭୟାବହ ଅଗ୍ନିକାଣ୍ଡ । ଗଞ୍ଜାମ ଜିଲ୍ଲା ପୁରୁଷୋତ୍ତମପୁର ଥାନା ଅନ୍ତର୍ଗତ ସୁନାଥର ଗାଁରେ ଭୟାବହ ଅଗ୍ନିକାଣ୍ଡ ଘଟି ପ୍ରାୟ 30ରୁ ଉର୍ଦ୍ଧ୍ବ ଘର ପୋଡି ପାଉଁଶ ହୋଇଛି ।
ଭିଡିଓ ସୌଜନ୍ୟ:ସମ୍ବାଦଦାତା, ବ୍ରହ୍ମପୁର
ସୂଚନା ଅନୁଯାୟୀ, ସୋମବାର ଭୋର ସମୟରେ ଗ୍ରାମର ନୁଆଁସାହିରେ କୌଣସି କାରଣରୁ ନିଆଁ ଲାଗିଯାଇଥିଲା । ଏହି ନିଆଁ ଧୀରେ ଧୀରେ ବ୍ୟାପି ପ୍ରାୟ ୩୦ଟି ପରିବାରର 30ରୁ ଉର୍ଦ୍ଧ୍ବ ଚାଳଘର ପୋଡି ପାଉଁଶ ହୋଇଛି ।
କେଉଁ କାରଣରୁ ଅଗ୍ନିକାଣ୍ଡ ଘଟିଲା ତାହାର ପ୍ରକୃତ କାରଣ ଜଣାପଡ଼ି ନଥିବା ବେଳେ ନିଆଁ ଲିଭାଇବା ପାଇଁ ଅଗ୍ନିଶମ ବାହିନୀ ଘଟଣା ସ୍ଥଳରେ ନିୟୋଜିତ ରହିଥିବା ଦେଖାଯାଇଛି । ତେବେ କ୍ଷତିଗ୍ରସ୍ତଙ୍କ ପାଇଁ ସରକାରୀ ସହାୟତା ଆବଶ୍ୟକତା ରହିଥିବା କୁହାଯାଇଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
