ବ୍ରହ୍ମପୁର: ପୁଣି ଟ୍ରେନ ଅଘଟଣ । ବ୍ରହ୍ମପୁର ରେଳ ଷ୍ଟେସନରେ ଏକ୍ସପ୍ରେସ ଟ୍ରେନରୁ ଧୂଆଁ ବାହାରୁଥିବା ଦେଖିବାକୁ ମିିଳିଛି । ଟ୍ରେନଟି ଦ୍ରିବୁଗଡରୁ କନ୍ୟାକୁମାରୀ ଯାଉଥିବା ବିବେକ ଏକ୍ସପ୍ରେସରୁ ଧୂଆଁ ବାହାରିଛି । ବିବେକ ଏକ୍ସପ୍ରେସରେ ବ୍ରହ୍ମପୁର ରେଳଷ୍ଟେସନ ନିକଟରେ ଟ୍ରେନର ଗୋଟିଏ ବଗି ନିକଟରେ ବହୁ ଜୋରରେ ଧୂଆଁ ଦେଖିବା ପରେ ଟ୍ରେନର ଚେନକୁ ଟାଣି ଭୟଭୀତ ହୋଇପଡିଥିବା ଯାତ୍ରୀମାନେ ଟ୍ରେନରୁ ଓଲ୍ଲାଇ ପଡିଥିଲେ ।
ଦ୍ରିବୁଗଡରୁ କନ୍ୟାକୁମାରୀ ଅଭିମୁଖେ ଯାଉଥିବା ବିବେକ ଏକ୍ସପ୍ରେସରେ ବ୍ରହ୍ମପୁର ରେଳଷ୍ଟେସନ ନିକଟରେ ଟ୍ରେନର ଗୋଟିଏ ବଗି ନିକଟରେ ବହୁ ଜୋରରେ ଧୂଆଁ ଦେଖିବା ପରେ ଟ୍ରେନର ଚେନକୁ ଟାଣିଥିଲେ ଭୟଭୀତ ହୋଇପଡିଥିବା ଯାତ୍ରୀ । ବ୍ରହ୍ମପୁର ରେଳ ଷ୍ଟେସନରୁ ମାତ୍ର 500 ମିଟରେ ଦୂରରେ ଏପରି ଘଟଣା ଦେଖିବାକୁ ମିଳିଥିଲା । କୌଣସି ଏକ ଜରି ଅଖାରୁ ଟ୍ରେନ୍ର ଏସ୍-୧୦ ବଗିରେ ନିଆଁ ଲାଗି ଯାଇଥିବାରୁ ଏପରି ବହୁ ଜୋରରେ ଧୂଆଁ ବାହରିଥିଲା । ଏହାପରେ ଟ୍ରେନରେ ଅଗ୍ନିକାଣ୍ଡ ଘଟିଛି ବୋଲି ଟ୍ରେନର ସମସ୍ତ ବଗିର ଯାତ୍ରୀଙ୍କ ମଧ୍ୟରେ ପ୍ରଚାରିତ ହେବା ପରେ ଭୟଭୀତ ହୋଇ ବହୁ ଯାତ୍ରୀ ଚେନକୁ ଟାଣି ଓଲ୍ଲାଇ ପଡିଥିଲେ ।
ଏହା ବି ପଢନ୍ତୁ- କୋଇଲା ବୋଝେଇ ଟ୍ରେନରେ ଲାଗିଲା ନିଆଁ
ପରେ ଖବରପାଇ ବ୍ରହ୍ମପୁର ରେଳଷ୍ଟେସନ କର୍ତ୍ତୁପକ୍ଷ ଘଟଣା ସ୍ଥଳରେ ପହଞ୍ଚି ଏହାକୁ ଆୟତ୍ତ କରିବା ପରେ ଟ୍ରେନକୁ ଘଟଣାସ୍ଥଳରୁ ଛାଡିବା ସହିତ ବ୍ରହ୍ମପୁର ରଳେଷ୍ଟେସନରେ ପୁଣି ଥରେ ଯାଞ୍ଚ କରିଥିଲେ । ପରେ ବ୍ରହ୍ମପୁର ରେଳଷ୍ଟେସନରେ ଟ୍ରେନକୁ ଅଟକାଇ ପୁଣି ଥରେ ଟେକ୍ନିକାଲ ଟିମ ଏହାକୁ ଯାଞ୍ଚ କରିଥିଲେ । ରାଜ୍ୟ ତଥା ଦେଶର ବିଭିନ୍ନ ସ୍ଥାନରେ ଟ୍ରେନ ଦୁର୍ଘଟଣା, ଟ୍ରେନର ନିଆଁ ଲାଗିବା ଘଟଣା ଦେଖିବାକୁ ମିଳୁଥିବା ବେଳେ ପୁଣି ଥରେ ଦ୍ୱିତୀୟ ଥର ପାଇଁ ବ୍ରହ୍ମପୁର ରଲେଷ୍ଟେସନ ନିକଟରେ ଏପରି ଘଟଣା ଦେଖିବାକୁ ମିଳିଛି ।
ଏହା ବି ପଢନ୍ତୁ- Kerala Train Fire: ଆଲପୁଝା-କନ୍ନୁର ଏକ୍ସପ୍ରେସରେ ଅଗ୍ନିକାଣ୍ଡ, 2 ମାସରେ ଦ୍ବିତୀୟ ଘଟଣା
ସୂଚନା ଥାଉ କି ଚଳିତ ମାସ ଆରମ୍ଭରୁ ହିଁ ଟ୍ରେନରେ ନିଆଁ ଲାଗିଥିବା ଘଟଣା ସାମ୍ନାକୁ ଆସିଥିଲା । ଏହାପରେ ବିବେକ ଏକ୍ସପ୍ରେସରେ ଧୂଆଁ ଦେଖି ଲୋକେ ଭୟଭୀତ ହୋଇପଡ଼ିଥିଲେ। ଜୁନ ପହିଲାରେ ଆଲପୁଝା-କନ୍ନୁର ଏକ୍ସପ୍ରେସରେ ଅଗ୍ନିକାଣ୍ଡ ଘଟିଥିଲା । କେରଳର କନ୍ନୁର ରେଳ ଷ୍ଟେସନରେ ଛିଡା ହୋଇଥିବା ବେଳେ ଟ୍ରେନରେ ଲାଗିଥିଲା ନିଆଁ । ବୁଧବାର ବିଳମ୍ବିତ ରାତି 1ଟା 25 ମିନିଟ ସମୟରେ ଅଗ୍ନିକାଣ୍ଡ ଘଟିଥିଲା । ଫଳରେ 3ୟ ବଗିରୁ ଶେଷ ବଗି ନିଆଁରେ ଜଳି ଯାଇଥିଲା ।
ଇଟିଭି ଭାରତ, ବ୍ରହ୍ମପୁର
