ଭଞ୍ଜନଗର: ଗଞ୍ଜାମ ଜିଲ୍ଲା ଭଞ୍ଜନଗର ଥାନା ଅଞ୍ଚଳରେ ଅବକାରୀ ବିଭାଗର ଚଢାଉ । ଜିଲ୍ଲାପାଳ ବିଜୟ ଅମୃତା କୁଲାଙ୍ଗେ ଓ ଅବକାରୀ ଅଧିକ୍ଷକ ରାଜେନ୍ଦ୍ର ଭୋତ୍ରାଙ୍କ ନିର୍ଦ୍ଦେଶ କ୍ରମେ ଏହି ଚଢ଼ାଉ କରାଯାଇଥିଲା । ଭଞ୍ଜନଗର ଅଞ୍ଚଳର ଜି ନୂଆଗାଁ, ଉଡୁ଼ରା, ବେଲଗୁଣ୍ଠା, ଇନ୍ଦ୍ରଗଡ, ନାଇକପଡା ଆଦି ଗ୍ରାମରେ ଚଢ଼ାଉ କରାଯାଇଛି ।
ଭଞ୍ଜନଗର ଅଞ୍ଚଳରେ ଅବକାରୀ ବିଭାଗର ଚଢାଉ, 10 ଗିରଫ
ସେଠାରୁ 872 ଲିଟର ଦେଶୀ ରନ୍ଧା ମହୁଲି ମଦ ଏବଂ 3443 କେଜି ଗୁଡ ମିଶ୍ରିତ ପୋଚ ଜବତ କରାଯାଇଛି ତା'ସହିତ ମଦ ପ୍ରସ୍ତୁତିରେ ବ୍ୟବହାର କରାଯାଉଥିବା ବିଭିନ୍ନ ସାମଗ୍ରୀ ଜବତ କରାଯାଇଛି । ଏହି ବେଆଇନ ମଦ ପ୍ରସ୍ତୁତି ଏବଂ ବିକ୍ରି ଅଭିଯୋଗରେ ମୋଟ 13ଗୋଟି କେସ ରୁଜୁ ହୋଇଛି ।
ତେବେ 10ଜଣକୁ ଗିରଫ କରି କୋର୍ଟ ଚାଲାଣ କରାଯାଇଥିବା ସୂଚନା ଦେଲେ ଭଞ୍ଜନଗର ଅବକାରୀ ଅଧିକାରୀ ପାର୍ଥ ସାରଥୀ ରାଉତ । ଶୁକ୍ରବାରର ଏହି ଚଢ଼ାଉରେ ବେଲଗୁଣ୍ଠା ତହସିଲଦାର ଓ ଅବକାରୀ ବିଭାଗର ବହୁ କର୍ମଚାରୀ ଉପସ୍ଥିତ ଥିଲେ ।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
