ଛତ୍ରପୁର: ଫନି ପାଇଁ ଗଞ୍ଜାମ ଜିଲ୍ଲାର ବଡ ଅର୍ଯ୍ୟପଲ୍ଲୀ ସମେତ ବିଭିନ୍ନ ସମୁଦ୍ର କୁଳବର୍ତ୍ତୀ ଗ୍ରାମ ଗୁଡିକରେ ଘରକୁ ଘର ବୁଲି ଜିଲ୍ଲା ପ୍ରଶାସନର ଅଧିକାରୀ ମାନେ ଲୋକଙ୍କୁ ସୁରକ୍ଷିତ ସ୍ଥାନକୁ ଯିବା ପାଇଁ କହୁଥିବାର ଦେଖିବାକୁ ମିଳିଛି ।
ଭିଡିଓ ସୌଜନ୍ୟ: ସମ୍ବାଦଦାତା ବ୍ରହ୍ମପୁର
ବାତ୍ୟା ପୂର୍ବରୁ ଲୋକଙ୍କୁ ବୁଝାସୁଝା କରି ସୁରକ୍ଷିତ ସ୍ଥାନକୁ ସ୍ଥାନାନ୍ତରଣ କରିବାକୁ ଜିଲ୍ଲା ପ୍ରଶାସନ ପ୍ରୟାସ ଜାରି ରଖିଛି । ସ୍ଥାନାନ୍ତରଣ ସମୟରେ ଗଞ୍ଜାମ ଜିଲ୍ଲାପାଳ ବିଜୟ ଅମୃତ କୁଲାଙ୍ଗେ ଏବଂ ଏସ୍.ପି ବ୍ରିଜେଶ ରାୟଙ୍କ ସମେତ ନିର୍ବାଚିତ ପ୍ରତିନିଧି ମାନେ ଉପସ୍ଥିତ ରହିଛନ୍ତି ।
ରାତି ସୁଦ୍ଧା ସମୁଦ୍ର କୂଳବର୍ତ୍ତି ତଥା ତଳିଆ ଅଞ୍ଚଳର ସମସ୍ତ ଲୋକଙ୍କୁ ସ୍ଥାନାନ୍ତରିତ କରାଯିବା ନେଇ ଜିଲ୍ଲା ପ୍ରଶାସନ ପକ୍ଷରୁ ସୂଚନା ଦିଆଯାଇଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
