ବ୍ରହ୍ମପୁର: ଗଞ୍ଜାମ ଜିଲ୍ଲା ପ୍ରଶାସନର ଉଦ୍ୟମ ଫଳରେ କୁଏତରୁ ଫେରିଛି ଦାଦାନ ଶ୍ରମିକଙ୍କ ମୃତଦେହ । 24 ଦିନ ପରେ କୁଏତରୁ ବିମାନ ଯୋଗେ ମୃତଦେହକୁ ପ୍ରଥମେ ଦିଲ୍ଲୀ ଏବଂ ପରେ ଭୁବନେଶ୍ବର ଅଣାଯାଇଥିବା ଜଣାପଡିଛି ।
ମୃତ ଦାଦନ ଶ୍ରମିକ ହେଲେ ଗଞ୍ଜାମ ଖଲ୍ଲିକୋଟ ବ୍ଲକର ଖୋଜାପଲ୍ଲୀର ହର୍ଷ ସାମଲ । ଅଧିକ ଅର୍ଥ ରୋଜଗାର କରିବା ଆଶାରେ ସେ ଦାଦନ ଖଟିବାକୁ କୁଏତ ଯାଇଥିଲେ । ସେଠାରେ କୋଣସି କାରଣରୁ ତାଙ୍କର ମୃତ୍ୟୁ ହୋଇଥିଲା । 24 ଦିନ ପରେ ଗଞ୍ଜାମ ଜିଲ୍ଲାର ପ୍ରଶାସନର ଉଦ୍ୟମ ଯୋଗୁଁ ତାଙ୍କ ମୃତଦେହ ଭୁବନେଶ୍ବର ବିମାନ ବନ୍ଦରକୁ ଅଣାଯାଇଥିଲା । ସେଠାରେ ବିଧାୟିକା ସୂର୍ଯ୍ୟମଣୀ ବୈଦ୍ୟ ଏବଂ ଜିଲ୍ଲା ଶ୍ରମ ଅଧିକାରୀ ଶିବ ସାହୁଙ୍କ ଉପସ୍ଥିତିରେ ମୃତଦେହକୁ ପରିବାର ବର୍ଗଙ୍କୁ ହସ୍ତାନ୍ତର କରାଯାଇଛି ।
ତେବେ ହର୍ଷଙ୍କ ମୃତ୍ୟୁକୁ ନେଇ ସମଗ୍ର ଅଞ୍ଚଳରେ ଶୋକର ଛାୟା ଖେଳି ଯାଇଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
