ବ୍ରହ୍ମପୁର: ରାଜଧାନୀ ଭୁବନେଶ୍ବର ପରେ ବ୍ରହ୍ମପୁର ସହରରେ ଆରମ୍ଭ ହୋଇଛି ଗର୍ଭବତୀ ମହିଳାଙ୍କ ଟୀକାକରଣ । ସହରର ୮ଟି ସହରାଞ୍ଚଳ ସ୍ବାସ୍ଥ୍ୟକେନ୍ଦ୍ରରେ ୨ ଦିନ ପାଇଁ ଆରମ୍ଭ ହୋଇଯାଇଛି ଟିକାଦାନ ।
ଗର୍ଭଧାରଣା କରିଥିବା ସହରର ସମସ୍ତ ଗର୍ଭବତୀ ମହିଳା ଯେଉଁମାନେ ଟୀକା ନେଇଛନ୍ତି ସେମାନଙ୍କୁ କେନ୍ଦ୍ରକୁ ନେଇ ଟିକା ପ୍ରଦାନ କରିଛନ୍ତି । ସେପଟେ ଏଭଳି ମହିଳା ମାନଙ୍କୁ ଆଶା ଓ ଅଙ୍ଗନାୱଡି କର୍ମୀ ମାନେ ଆଣି ଟୀକାଦାନ କେନ୍ଦ୍ରକୁ ଆଣୁଥିବା ଦେଖାଯାଇଛି । ଗର୍ଭବତୀ ମହିଳାମାନଙ୍କୁ ଖାଦ୍ୟ ଗ୍ରହଣ କରିବା ପରେ ହିଁ ଟିକା ଦିଆଯାଉଛି । ଗର୍ଭବତୀ ମହିଳାମାନେ ଟିଟି ନେବାର ୧୪ ଦିନ ପରେ ଟିକା ଦିଆଯାଉଛି କିମ୍ବା ଟିକା ନେବାର ୧୪ ଦିନ ପରେ ଟିଟି ଦିଆଯାଉଥିବା ସୂଚନା ମିଳିଛି ।
ଏହାସହିତ ସେମାନଙ୍କ ଆଧାର କାର୍ଡ ଓ ମମତା କାର୍ଡ ଯାଞ୍ଚ କରାଯାଇ ଟିକା ଦିଆଯାଉଛି । ଟିକା ନେବା ପରେ ଗର୍ଭବତୀ ମହିଳା ପ୍ରାୟ ଅଧଘଣ୍ଟା ବିଶ୍ରାମ ନେବାକୁ ଦିଆଯିବା ପରେ ତାଙ୍କୁ ଘରକୁ ଯିବା ପାଇଁ ଅନୁମତି ମିଳୁଛି ।
ବ୍ରହ୍ମପୁରରୁ ସମୀର କୁମାର ଆଚାର୍ଯ୍ୟ, ଇଟିଭି ଭାରତ
