ଭଞ୍ଜନଗର: କୋରୋନା ଆକ୍ରାନ୍ତଙ୍କ ସଂଖ୍ୟା ହୁହୁ ହୋଇ ବଢୁଥିବାବେଳେ କିଛି ସୁସ୍ଥ ହୋଇ ଘରକୁ ଫେରିଲେଣି । ଏପଟେ ପୁଣି ଗଞ୍ଜାମ ଜିଲ୍ଲା ଭଞ୍ଜନଗର ବ୍ଲକ ବ୍ରାହ୍ମଣପଦର ପଞ୍ଜାୟତର ଝାଲିଆଗୋଚ୍ଛା ଗ୍ରାମରେ 6 ବ୍ୟବସାୟୀ କୋରୋନା ପଜିଟିଭ ବାହାରିବା ପରେ ସେମାନଙ୍କୁ ଭଞ୍ଜନଗର କୋଭିଡ କେୟାରକୁ ପଠାଇ ଦିଆଯାଇଛି ।
ପ୍ରଶାସନ ପକ୍ଷରୁ ଝାଲିଆଗୋଚ୍ଛା ଗ୍ରାମକୁ କଣ୍ଟେନମେଣ୍ଟ ଜୋନ କରାଯାଇ ବାଉଁଶ ବାଡ଼ ପକାଇ ସିଲ କରାଯାଇଛି । ଏଥି ସହିତ ବ୍ରାହ୍ମଣପଦର ଗ୍ରାମକୁ ବଫର ଜୋନ କରାଯାଇଛି । ସେହିପରି ନିକଟ ଗାଲେରୀ ପଞ୍ଚାୟତର ଗାଲେରୀ ଓ ବିଲୁଆପଡ଼ା ଗ୍ରାମକୁ ବଫର ଜୋନ କରାଯାଇଛି । ଝାଲିଆଗୋଚ୍ଛା ଗ୍ରାମର ଛଅ ଜଣ ବ୍ୟବସାୟୀ କୋରୋନା ଚିହ୍ନଟ ପରେ କାଳେ ଗୋଷ୍ଠୀ ସଂକ୍ରମଣ ହୋଇଯିବ ସେଥିଯୋଗୁଁ ଅଞ୍ଚଳରେ ଭୟର ବାତାବରଣ ଖେଳିଯାଇଛି । କାରଣ ବ୍ୟବସାୟୀମାନେ ଗାଲେରୀ ଅଞ୍ଚଳରେ ବହୁଲୋକଙ୍କ ସଂସ୍ପର୍ଶରେ ଆସିଛନ୍ତି । ଶୁକ୍ରବାର ଦମକଳ ବାହିନୀ ଝାଲିଆଗୋଚ୍ଛା ଗ୍ରାମକୁ ବିଶୋଧନ କରିବା ସହିତ ସମସ୍ତ ସ୍କୁଲକୁ ମଧ୍ୟ ବିଶୋଧନ କରି ଫେରିଛନ୍ତି ।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
