ଭଞ୍ଜନଗର: ତାରସିଙ୍ଗି ଥାନା ଅନ୍ତର୍ଗତ ଲଙ୍ଗଳଖୋଳା ଠାରେ ବାଇକକୁ ବସ ଧକ୍କା ଦେବା ଯୋଗୁଁ ଦୁଇ ବାଇକ ଆରୋହୀ ଗୁରୁତର ହୋଇଛନ୍ତି । ପୋଲିସ ଗୁରୁତର ମାନଙ୍କୁ ଭଞ୍ଜନଗର ମେଡିକାଲରେ ଭର୍ତ୍ତି କରିଛି । ତାରସିଙ୍ଗି ପୋଲିସ ଦୁର୍ଘଟଣା ଘଟାଇଥିବା ବସକୁ ଜବତ କରି ତଦନ୍ତ ଆରମ୍ଭ କରିଛି ।
ଭିଡିଓ ସୌଜନ୍ୟ: ପ୍ରତିନିଧି, ଭଞ୍ଜନଗର
ସୂଚନା ଅନୁସାରେ, ଚନ୍ଦନ ନାମକ ଘରୋଇ ବସ ଭୁବନେଶ୍ବରରୁ ଗାୟଗଣ୍ଡା ଆସୁଥିବା ବେଳେ ଅଜୟ ଗୌଡ଼ ଓ ବାସୁଦେବ ପ୍ରଧାନଙ୍କୁ ଧକ୍କା ଦେଇଥିଲା । ପରେ ଦୁର୍ଘଟଣାର ଖବର ପାଇ ତାରସିଙ୍ଗି ପୋଲିସ ସେଠାରେ ପହଞ୍ଚିବା ସହ ଗୁରୁତର ମାନଙ୍କୁ ଉଦ୍ଧାର କରି ଭଞ୍ଜନଗର ମେଡିକାଲରେ ଭର୍ତ୍ତି କରିଥିଲା ।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
