ଭଞ୍ଜନଗର: ଗଞ୍ଜାମ ଜିଲ୍ଲା ଭଞ୍ଜନଗର ଥାନା ଆମ ପୋଲିସ ସମିତି ପକ୍ଷରୁ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ଏଥିରେ ଚାଳିଶିରୁ ଉର୍ଦ୍ଧ୍ବ ସ୍ବେଛାକୃତ ରକ୍ତଦାତା ଯୋଗ ଦେଇଥିଲେ । ଭଞ୍ଜନଗର ମେଡିକାଲ କ୍ୟାମ୍ପସ ପରିସରରେ ଥିବା ରକ୍ତ ଭଣ୍ଡାରରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।
ଆମ ପୋଲିସ ସମିତି ପକ୍ଷରୁ ରକ୍ତଦାନ ଶିବିର
କୋରୋନା ମହାମାରୀ ଭଳି ଘଡ଼ିସନ୍ଧି ମୁହୂର୍ତ୍ତରେ ଭଞ୍ଜନଗର ରକ୍ତ ଭଣ୍ଡାରରେ ରକ୍ତର ଅଭାବ ଖବର ଶୁଣି ଆମ ପୋଲିସ ସମିତି ପକ୍ଷରୁ ଜଗନ୍ନାଥପ୍ରସାଦ ବ୍ଲକ ସାଂସଦ ପ୍ରତିନିଧିଙ୍କୁ ରକ୍ତ ଅଭାବ ଥିବା ଖବର ଦିଆଯାଇଥିଲା । ଖବର ପାଇ ସ୍ବେଛାକୃତ ଭାବେ ଚାଳିଶରୁ ଉର୍ଦ୍ଧ୍ବ ଏହି ମହତ ଦାନ ନିମନ୍ତେ ଯୁବକ ମାନେ ରକ୍ତ ଦାନ କରିଥିଲେ । ଯାହା ଦ୍ୱାରା ରକ୍ତ ଅଭାବରୁ ଯେପରି କାହାର ଜୀବନ ହାନୀ ନହେଉ ।
ଭଞ୍ଜନଗରରୁ ରଞ୍ଜନ ସ୍ୱାଇଁ, ଇଟିଭି ଭାରତ
