ବ୍ରହ୍ମପୁର: କେନ୍ଦ୍ର ପରିବହନ ମନ୍ତ୍ରୀ ନିତିନ ଗଡକରୀଙ୍କୁ ଭେଟିବେ ବ୍ରହ୍ମପୁର ସାଂସଦ । ଗଞ୍ଜାମ ଜିଲ୍ଲାରେ ଦୁର୍ଘଟଣା ଏଡାଇବା ପାଇଁ ଜାତୀୟ ରାଜପଥରେ ଆବଶ୍ୟକୀୟ ପଦକ୍ଷେପକୁ ତୁରନ୍ତ ଦୃଷ୍ଟି ଦେବା ପାଇଁ ବ୍ରହ୍ମପୁର ସାଂସଦ ଚନ୍ଦ୍ରଶେଖର ସାହୁଙ୍କ ସମେତ ବହୁ ବିଧାୟକ କେନ୍ଦ୍ର ପରିବହନ ମନ୍ତ୍ରୀ ନିତିନ ଗଡକରୀଙ୍କୁ ସାକ୍ଷାତ କରି ଦାବି ଜଣାଇବେ ବୋଲି ନିଷ୍ପତ୍ତି ନିଆଯାଇଛି ।
ତେବେ ପ୍ରତିବର୍ଷ ଦୁର୍ଘଟଣା କାରଣରୁ ଗଞ୍ଜାମ ଜିଲ୍ଲାରେ ଅନେକ ଧନଜୀବନ ଅକାଳରେ ଚାଲିଯାଉଥିବା ବେଳେ ରାଜ୍ୟରେ ଗଞ୍ଜାମ ଜିଲ୍ଲାରେ ସବୁଠାରୁ ଅଧିକ ମାତ୍ରାରେ ଦୁର୍ଘଟଣା ଘଟୁଥିବା କୁହାଯାଇଛି ।
ଏଣୁ କେଉଁ କାରଣରୁ ଏଭଳି ଦୁର୍ଘଟଣା ଘଟୁଛି ଓ ଦୁର୍ଘଟଣାକୁ କିପରି ଏଡାଇ ହେବ ସେନେଇ ସାଂସଦ ଚନ୍ଦ୍ରଶେଖର ସାହୁଙ୍କ ନେତୃତ୍ବରେ ବିଧାୟକମାନଙ୍କ ଏକ ପ୍ରତିନିଧି ଦଳ ନିତିନ୍ ଗଡକରୀଙ୍କୁ ସାକ୍ଷାତ କରି ଦାବି ଜଣାଇବେ ବୋଲି ସୂଚନା ମିଳିଛି ।
ଆସନ୍ତା ପାର୍ଲାମେଣ୍ଟ ଅଧିବେଶନରେ ବ୍ରହ୍ମପୁର ସଂସଦୀୟ କ୍ଷେତ୍ରର ଏହି ପ୍ରତିନିଧି ଦଳ ପ୍ରଥମେ ମୁଖ୍ୟମନ୍ତ୍ରୀଙ୍କୁ ସାକ୍ଷାତ କରିବା ସହ ପରବର୍ତ୍ତୀ ସମୟରେ କେନ୍ଦ୍ରମନ୍ତ୍ରୀ ସାକ୍ଷାତ କରିବେ ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
