ବ୍ରହ୍ମପୁର: ଓଡିଶାର ୧୪ ହଜାର ସ୍କୁଲ ବନ୍ଦ କରାଯିବା ନିଷ୍ପତ୍ତି ଏବଂ ୧୪ ଗୋଟି ବିଇଡି କଲେଜ ବନ୍ଦ ବିରୁଦ୍ଧରେ ବ୍ରହ୍ମପୁର ଠାରେ ଅଲ୍ ଇଣ୍ଡିଆ ଡିଏସ୍ଓ ପକ୍ଷରୁ ବିକ୍ଷୋଭ କରାଯାଇଛି ।
ରାଜ୍ୟରେ ୧୪ ହଜାର ବିଦ୍ୟାଳୟ ବନ୍ଦ ନିଷ୍ପତ୍ତି ବିରୁଦ୍ଧରେ ଛାତ୍ର ବିକ୍ଷୋଭ
ସହରର ଖଲ୍ଲିକୋଟ କଲେଜ ସମ୍ମୁଖରେ ଆୟୋଜିତ ଏହି ଛାତ୍ର ବିକ୍ଷୋଭରେ ଶିକ୍ଷାର ଘରୋଇକରଣ ଓ ବ୍ୟବସାୟୀକରଣଙ୍କୁ ତୀବ୍ର ସମାଲୋଚନା କରାଯିବା ସହ ସେଲଫ୍ ଫାଇନାସ ଭିତ୍ତିରେ ବିଇଡି କୋର୍ସ ପ୍ରଦାନ କରିବାକୁ ବିରୋଧ କରାଯାଇଥିଲା ।
ଏହି ଅବସରରେ ଗଞ୍ଜାମ ଜିଲ୍ଲାରେ ୪୩୩ ଟି ସ୍କୁଲ କୁ ବନ୍ଦ କରାଯିବାକୁ ରହିଥିବା ନିଷ୍ପତ୍ତିକୁ ତୁରନ୍ତ ବାତିଲ କରିବାକୁ ଦାବି କରାଯାଇଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
