ଭଞ୍ଜନଗର: ଗଞ୍ଜାମ ଜିଲ୍ଲାର କବିସୂର୍ଯ୍ୟନଗର ଥାନା ଅଧିନସ୍ଥ ସୁନାପଲ୍ଲୀ ଗାଁରେ ଶୁକ୍ରବାର ଏକ ଲୋମଟାଙ୍କୁରା ଘଟଣା ଦେଖିବାକୁ ମିଳିଛି । ଗାଁ ବାହାରର ଜଣେ ଅଜ୍ଞାତ ଯୁବକଙ୍କୁ ହତ୍ୟା କରିବା ପରେ ଏହି ଗାଁର ଲାଲୁ ଘାଇ ନିକଟରେ ପାଳ ପକାଇ ଜାଳି ଦେଇଛନ୍ତି । ମୃତକଙ୍କ ପରିଚୟ ମିଳି ନଥିବା ବେଳେ, ଏ ଘଟଣା ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି । ଖବର ପାଇ ଦମକଳ ବାହିନୀ ଗାଁରେ ପହଞ୍ଚି ନିଆଁ ଲିଭାଇ ମୃତଦେହକୁ ଉଦ୍ଧାର କରିଛି । ସେପଟେ ଗାଁ ଲୋକେ ନିକଟସ୍ଥ ଥାନରେ ଖବର ଦେବା ପରେ ପୋଲିସ ଘଟଣାସ୍ଥଳରେ ପହଞ୍ଚି ଏହାର ତଦନ୍ତ କରୁଛି ।
ହତ୍ୟା ପରେ ଯୁବକଙ୍କୁ ପାଳ ପକାଇ ଜାଳିଦେଲେ ଦୁର୍ବୃତ୍ତ
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
