ମହିଳାଙ୍କ ତଣ୍ଟିକାଟି ନିର୍ମମ ହତ୍ୟା, ତଦନ୍ତ ଜାରି

ଭଞ୍ଜନଗର ବାରସିଂଙ୍ଗି ଗାଁରେ ବିଭତ୍ସ ହତ୍ୟାକାଣ୍ଡ । କେହି ଦୁର୍ବୃତ୍ତ ଜଣେ ବିବାହିତା ମହିଳାଙ୍କ ତଣ୍ଟିକାଟି ହତ୍ୟା କରିଥିବା ଜଣାପଡିଛି । ଅଧିକ ଖବର ପଢନ୍ତୁ...

ଭଞ୍ଜନଗର: ଗଞ୍ଜାମ ବଡ଼ଗଡ଼ ଥାନା ଅନ୍ତର୍ଗତ ଶେରଗଡ଼ ବ୍ଲକର ବାରସିଂଙ୍ଗି ଗାଁରେ ବିଭତ୍ସ ହତ୍ୟାକାଣ୍ଡ । ଏଥିରେ କବିତା ସେଠୀ ନାମକ ଜଣେ ବିବାହିତା ମହିଳାଙ୍କ ମୃତ୍ୟୁ ଘଟିଛି । କେହି ଜଣେ ଦୁର୍ବୃତ୍ତ କୌଣସି ଏକ ଧାରୁଆ ଅସ୍ତ୍ରରେ ମହିଳାଙ୍କ ତଣ୍ଟିକାଟି ହତ୍ୟା କରିଥିବା ଜଣାପଡିଛି ।

ଏହି ହତ୍ୟାକାଣ୍ଡର ଅସଲ କାରଣ ସ୍ପଷ୍ଟ ହୋଇନାହିଁ । ତେବେ ଘରେ କେହିନଥିବାର ସୁଯୋଗ ନେଇ ଏହି ହତ୍ୟାକାଣ୍ଡ କରାଯାଇଛି । ଖବରପାଇ ବଡ଼ଗଡ଼ ଓ ଶେରଗଡ଼ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛନ୍ତି ।

ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ