ଗଞ୍ଜାମ: ଗଞ୍ଜାମ ଜିଲ୍ଲା କବିସୂର୍ଯ୍ୟନଗର ଥାନା ପୋଲିସକୁ ମିଳିଛି ବଡ ସଫଳତା । ଗତ ଶୁକ୍ରବାର ବିଳମ୍ବିତ ରାତ୍ରିରେ ବୁଢା଼ମ୍ବଠାରେ ପୋଲିସ ପାଟ୍ରୋଲିଂ ସମୟରେ 4ଜଣ ଗାଡି ଚୋରକୁ ଗିରଫ କରିଛି ।
ସୂଚନା ଅନୁଯାୟୀ, ଗତ ଶୁକ୍ରବାର ବିଳମ୍ବିତ ରାତ୍ରିରେ ପୋଲିସ ବୁଢା଼ମ୍ବଠାରେ ପାଟ୍ରୋଲିଂ କରୁଥିବାବେଳେ ସନ୍ଦେହଜନକ ଭାବେ ଜଣକୁ ଧରିଥିଲେ । ତେବେ ତାକୁ ଜେରା କରିବା ପରେ ସେ ଚୋରାଗାଡ଼ିର ଗୁମର ଖୋଲିଥିଲା । ଯାହାଫଳରେ ଏହି ଘଟଣାରେ ସମ୍ପୃକ୍ତ ଥିବା ସମୁଦାୟ 4ଜଣଙ୍କୁ ଗିରଫ କରିଛି ପୋଲିସ ।
ଭିଡିଓ ସୌଜନ୍ୟ:ପ୍ରତିନିଧି, ଭଞ୍ଜନଗର
ତେବେ ସେମାନଙ୍କ ଠାରୁ ଗୋଟିଏ ବୋଲେରୋ ଗାଡି ସହ 18ଟି ମୋଟର ସାଇକେଲ ପୋଲିସ ଜବତ କରିବାରେ ସକ୍ଷମ ହୋଇପାରିଛି । ଗିରଫ ଅଭିଯୁକ୍ତମାନେ ଖୋର୍ଦ୍ଧା ନୟାଗଡ ଭୁବନେଶ୍ୱର ଅଂଚଳରେ ଗାଡି ଚୋରା କାର୍ଯ୍ୟରେ ସକ୍ରିୟ ଥିବାର ସୂଚନା ମିଳିଛି । ପୋଲିସ ସମସ୍ତ ଅଭିଯୁକ୍ତଙ୍କୁ ଗିରଫ କରି ଶନିବାର କୋର୍ଟ ଚାଲାଣ କରିଥିବା ଗଞ୍ଜାମ ଅତିରିକ୍ତ ଏସପି ସୂଚନା ଦେଇଛନ୍ତି ।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
