ପାରଳାଖେମୁଣ୍ଡି: ଗଜପତି ଜିଲ୍ଲାର ସଦରମହକୁମା ପାରଳାଖେମୁଣ୍ଡିରୁ ମାତ୍ର ୬ କିମି ଦୂରରେ ରହିଛି ସିଦ୍ଧା ମଡ଼ଙ୍ଗ ଗ୍ରାମ । ଯେଉଁଠି ପ୍ରାୟ ୫୦୦ ରୁ ଉର୍ଦ୍ଧ୍ବ ପରିବାର ବସବାସ କରନ୍ତି । ସଦରମହକୁମା ଠାରୁ ଏତେ ନିକଟତର ଗ୍ରାମରେ ଜଳ ସଙ୍କଟ ଉତ୍କଟ ରୂପ ନେଇଛି। ଗ୍ରାମବାସୀଙ୍କ ଅଭିଯୋଗ ଅନୁଯାୟୀ, ଗାଁରେ ଗତ ୪-୫ ବର୍ଷ ହେଲା ପାଣିର ଅସୁବିଧା ପ୍ରବଳ ମାତ୍ରାରେ ଦେଖାଦେଇଛି। ଗାଁରେ ଅନେକ କୂଅଁ ଓ ପୋଖରୀ ମଧ୍ୟ ରହିଛି । କିନ୍ତୁ ଗ୍ରୀଷ୍ମ ଋତୁରେ ନା କୂଅରେ ପାଣି ରହେ ନା ପୋଖରୀରେ । ପାଣି ପାଇଁ ଘୋର ସମସ୍ୟା ରହିଥିବା ବେଳେ ପ୍ରଶାସନଙ୍କୁ କହିକହି ଥକିଗଲେ ମଧ୍ୟ କେହି କର୍ଣ୍ଣପାତ କରୁନଥିବା ଅଭିଯୋଗ ହୋଇଛି। ଫଳରେ ରାସ୍ତା ରୋକ କରିଥିଲେ ଗାଁର ମହିଳାମାନେ ।
ଗ୍ରାମବାସୀଙ୍କ ଅଭିଯୋଗ ଆନୁଯାୟୀ, ନା ନଳକୂପ ମରାମତି କରାଯାଉଛି ନା ନୂଆ ନଳକୂପ ଲଗାଯାଉଛି। ଯଦ୍ୱରା ଯଉଁ ସବୁ ନଳକୂପ ରହିଛି ଅକାମୀ ହୋଇଯାଇଛି । କିଛି ନଳକୂପ ଯାହା କିଛି କାମ କରୁଛି ସେଥିରୁ ଗୋଳିଆ ପାଣି ବାହାରୁଥିବା ଲୋକଙ୍କ ପାନୀୟ ଉପଯୋଗ ହୋଇପାରୁନାହିଁ । ବାରମ୍ବାର ଏଭଳି ପରିସ୍ଥିତିରେ ଗାଁ ଲୋକ ପ୍ରଶାସନକୁ ଅଭିଯୋଗ କରି ଆସୁଥିଲେ । କିନ୍ତୁ ସାମୁହିକ ଭାବେ ଟଙ୍କାର ଯୋଗାଇ ଯୋଗାଇ ଅସ୍ଥାୟୀ ସମାଧାନ କରାଯାଉଥିଲା । ଯାହାକୁ ନେଇ ସମସ୍ତ ଗ୍ରାମବାସୀଙ୍କ ଭିତରେ ଆସନ୍ତୋଷ ଦେଖା ଦେଇଛି । ଖରାଦିନେ ବୁନ୍ଦାଏ ପାଣିପାଇଁ ଡହଳବିକଳ ହେବାକୁ ପଡୁଥିବା ଅଭିଯୋଗ କରିଛନ୍ତି ଗ୍ରାମବାସୀ।
