ଗଜପତି: ଦିବ୍ୟାଙ୍ଗ ନିରଞ୍ଜନଙ୍କୁ ମିଳିଛି ଜାତୀୟ ପୁରସ୍କାର । ବିଶ୍ବ ଦିବ୍ୟାଙ୍ଗ ଦିବସ ଅବସରରେ ଦିଲ୍ଲୀର ବିଜ୍ଞାନ ଭବନରେ ଉପରାଷ୍ଟ୍ରପତି ଭେଙ୍କୟା ନାଇଡୁ ତାଙ୍କୁ ଏହି ସମ୍ମାନ ପ୍ରଦାନ କରିଛନ୍ତି । ଅନ୍ୟ ଦିବ୍ୟାଙ୍ଗଙ୍କ ବିକାଶ ପାଇଁ ତାଙ୍କର ବଳିଷ୍ଠ ଯୋଗଦାନ ଓ ନିସ୍ବାର୍ଥପର ଅବଦାନ ପାଇଁ ସାମାଜିକ ନ୍ୟାୟ ଓ ସଶକ୍ତିକରଣ ବିଭାଗ ପକ୍ଷରୁ ତାଙ୍କୁ ସମ୍ବର୍ଦ୍ଧନା ଦିଆଯାଇଛି । ଏନେଇ ବିଭିନ୍ନ ସ୍ଥାନରୁ ତାଙ୍କ ନିକଟକୁ ଶୁଭେଚ୍ଛାର ସୁଅ ଛୁଟିଛି ।
ନିଜେ ଦୁନିଆକୁ ନ ଦେଖି ଅନ୍ୟଙ୍କୁ ବଞ୍ଚିବାର ରାହା ଦେଖାଉଥିବା ନିରଞ୍ଜନଙ୍କ ପ୍ରଂଶସା ଆଜି ସବୁରି ମୁହଁରେ । ଦୀର୍ଘ 20 ବର୍ଷ ଧରି ଦିବ୍ୟାଙ୍ଗଙ୍କ ପାଇଁ ବ୍ୟକ୍ତିଗତ ଓ ଜଣେ ଅଣପେଷାଦାର କର୍ମୀ ଭାବେ ତାଙ୍କର ଉଲ୍ଲେଖନୀୟ ସଫଳତା ପାଇଁ ସେ ରାଷ୍ଟ୍ର ସମ୍ମାନର ହକଦାର ହୋଇଛନ୍ତି ।
ଦିବ୍ୟାଙ୍ଗଙ୍କ ପାଇଁ ବ୍ୟକ୍ତିଗତ ଓ ଜଣେ ଅଣପେଷାଦାର କର୍ମୀ ଭାବେ ତାଙ୍କର ଉଲ୍ଲେଖନୀୟ ସଫଳତା ପାଇଁ ସେ ରାଷ୍ଟ୍ର ସମ୍ମାନର ହକଦାର ହୋଇଛନ୍ତି । ଏବେ ସେ ଓଡିଶା ବିକଳାଙ୍ଗ ମଞ୍ଚର ରାଜ୍ୟ ସଭାପତି ଅଛନ୍ତି ।
ପଢନ୍ତୁ: ଗଜପତିର ଗୌରବ, ଜାତୀୟ ପୁରସ୍କାର ପାଇବେ ଦିବ୍ୟାଙ୍ଗ
ଏହାକୁ ବି ପଢନ୍ତୁ: ଇଟିଭି ଭାରତ ପ୍ରଭାବ, ଦିବ୍ୟାଙ୍ଗ ନିରଞ୍ଜନଙ୍କୁ ମିଳିବ ଘର
ଏହା ପୂର୍ବରୁ ୨୦୧୩ମସିହାରେ ମୁଖ୍ୟମନ୍ତ୍ରୀଙ୍କ ଦ୍ବାରା ସେ ସମ୍ବଦ୍ଧିତ ହୋଇଥିବା ବେଳେ ୨୦୧୭ ମସିହାରେ ରେଡକ୍ରସ ପକ୍ଷରୁ ସମ୍ମାନିତ ହୋଇଛନ୍ତି । ପ୍ରତ୍ୟେକ ପୁରସ୍କାର ତାଙ୍କୁ ଅଧିକ ଉତ୍ସାହିତ କରିବା ଏହି କ୍ଷେତ୍ରରେ ତାଙ୍କୁ ଅଧିକ କାମ କରାଇବାକୁ ପ୍ରେରଣା ଯୋଗାଉଥିବା ନେଇ ନିରଞ୍ଜନ ଜଣାଇଛନ୍ତି।
ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ
