ଗଜପତି : ପାରଳାଖେମୁଣ୍ଡି ଉପକଣ୍ଠ 5 ମାଇଲ ନିକଟରେ ଗତକାଲି ରାତିରେ ଏକ ଶାଳକାଠ ବୋଝେଇ ଟ୍ରାକ୍ଟରକୁ ଜବତ କରିବାରେ ବନ ବିଭାଗ ସକ୍ଷମ ହୋଇଛି । ପ୍ରତିଦିନ ଭଳି ଗତକାଲି ମଧ୍ୟ ବନ ବିଭାଗ କର୍ମଚାରୀମାନେ ଏହି ଅଞ୍ଚଳରେ ପାଟ୍ରୋଲିଂ ଚାଲିଥିବାବେଳେ ଏହି କାଠ ଜବତ ହୋଇଥିବା ସୂଚନା ରହିଛି ।
ଶାଳ କାଠ ବୋଝେଇ ଟ୍ରାକ୍ଟର ଜବତ
ମିଳିଥିବା ଖବର ଅନୁସାରେ ଏକ ଟ୍ରାକ୍ଟରରେ ପାରଳାଖେମୁଣ୍ଡି ପଟକୁ ଶାଳକାଠ ନେଇ ଆସୁଥିବା ଖବର ପାଇ ବନ କର୍ମଚାରୀମାନେ କୁର୍ଲଣ୍ଡା ବିଟ ହାଉସ ନିକଟରେ ଜଗି ରହିଥିଲେ । ତେବେ ଟ୍ରାକ୍ଟରକୁ ଅଟକାଇ ଯାଞ୍ଚ କରିବା ସମୟରେ ସେଥିରେ 29ଟି କାଠ ଗଣ୍ଡି ରହିଥିବା ଦେଖିବାକୁ ମିଳିଥିଲା । ଏହି ଘଟଣାରେ କାଠ ସହ ଟ୍ରାକ୍ଟର ଜବତ କରିବା ସହ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି । ତେବେ ଟ୍ରାକ୍ଟର ଚାଳକ କିମ୍ବା ଚୋରା ଚାଲାଣକାରୀଙ୍କୁ ଧରିବାରେ ବନ ବିଭାଗ କର୍ମଚାରୀ ସଫଳ ହୋଇନାହାଁନ୍ତି ।
ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ
