ନଦୀରେ ଗାଧେଇବା ବେଳେ ବୁଡି ଗଲେ ଖେଳ ଶିକ୍ଷକ

ମହେନ୍ଦ୍ର ତନୟା ନଦୀରେ ବୁଡି ଖେଳ ଶିକ୍ଷକଙ୍କ ମୃତ୍ୟୁ । ଶିକ୍ଷକ ଜଣକ ହଉଛନ୍ତି ଯଜ୍ଞ ନାରାୟଣ ବେହେରା । ହୋଲି ଖେଳ ସାରି ନଦୀରେ ଗାଧେଇବା ବେଳେ ଘଟିଛି ଏହି ଅଘଟଣ ।

ଗଜପତି: ହୋଲିରେ ଅଘଟଣ । ହୋଲି ଖେଳି ସାରି ନଦୀରେ ଗାଧେଇବା ବେଳେ ବୁଡି ଗଲେ ଖେଳ ଶିକ୍ଷକ । ଏପରି ଦୁଃଖଦ ଘଟଣା ଘଟିଛି ଗଜପତି ଜିଲ୍ଲାରେ । ମୃତ ଶିକ୍ଷକ ହେଲେ ଯଜ୍ଞ ନାରାୟଣ ବେହେରା । ସେ ଗୋଷାଣୀ ବ୍ଲକ ସରଧାପୁର ସ୍କୁଲର ଖେଳ ଶିକ୍ଷକ ଥିଲେ ।

ସୂଚନା ଅନୁସାରେ, ହୋଲି ଖେଳିବା ପରେ ଯଜ୍ଞ ନାରାୟଣ ଗାଧେଇବାକୁ ମହେନ୍ଦ୍ର ତନୟା ନଦୀକୁ ଯାଇଥିଲେ । ହେଲେ ଗାଧେଇବା ବେଳେ ହଠାତ୍ ବୁଡି ଯିବାରୁ ତାଙ୍କର ମୃତ୍ୟୁ ଘଟିଛି । ଖବର ପାଇ ଅଗ୍ନିଶମ ବାହିନୀ ଓ ପୋଲିସ ପହଞ୍ଚି ମୃତଦେହ ଉଦ୍ଧାର କରିଛି । ଅନ୍ୟପଟେ ପୋଲିସ ଏକ ଅପମୃତ୍ୟୁ ମାମଲା ରୁଜ୍ଜୁ କରି ତଦନ୍ତ ଆରମ୍ଭ କରିଛି ।

ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ