ଗଜପତି : ସମ୍ଭାବ୍ୟ ବାତ୍ୟା ଫନିକୁ ଦୃଷ୍ଟିରେ ରଖି ପ୍ରସ୍ତୁତି ହୋଇଛି ପ୍ରଶାସନ। ସାଧାରଣ ନିର୍ବାଚନରେ ବ୍ୟବହୃତ ହୋଇଥିବା ସମସ୍ତ ଇଭିଏମ୍ ଓ ଭିଭିପାଟ୍ ମେସିନ ଗୁଡିକୁ କରାଯାଇଛି ସ୍ଥାନାନ୍ତର ।
ଭିଡିଓ ସୌଜନ୍ୟ : ସମ୍ବାଦଦାତା, ଗଜପତି
ମହାରାଜା ବାଳକ ଉଚ୍ଚ ବିଦ୍ଯାଳୟରେ ଥବା ଇଭିଏମ୍ ମେସିନ ଗୁଡିକୁ କଡା ସୁରକ୍ଷାର ସହିତ ଅନ୍ୟ ସ୍ଥାନକୁ ନିଆଯାଇଛି । ସ୍ଥାନାନ୍ତରିତ ସମୟରେ ସବୁ ଦଳର ପ୍ରାର୍ଥୀଙ୍କ ସମେତ ଦଳୀୟ କର୍ମୀମାନେ ଉପସ୍ଥିତ ଥିଲେ।
ଦୁଇଟି ନିର୍ବାଚନ ମଣ୍ଡଳୀର 573ଟି ଇଭିଏମ୍ ଓ ଭିଭିପାଟ୍କୁ ଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରେ ନୂତନଭାବେ ନିର୍ମାଣ ହୋଇଥିବା ଇଭିଏମ ଷ୍ଟ୍ରଙ୍ଗ ରୁମକୁ ସ୍ଥାନାନ୍ତର କରାଯାଇଛି। ଜିଲ୍ଲାପାଳ ଅନୂପମ୍ ସାହା ଏନେଇ ସମସ୍ତ ସୂଚନା ଦେଇଛନ୍ତି ।
ଗଜପତିରୁ ହରିହର ମିଶ୍ର, ଇଟିଭି ଭାରତ
