ଗଜପତି : ଆଜି ସହର ପରିକ୍ରମା କରିଛି ଜିଲ୍ଲା ପୋଲିସ ପକ୍ଷରୁ ଆରମ୍ଭ ହୋଇଥିବା ସି-ଟିମ । ଏହି କାର୍ଯ୍ୟକ୍ରମ ସଂପର୍କରେ ଲୋକଙ୍କୁ ସଚେତନତା କରିବା ପାଇଁ ଏକ ଶୋଭାଯାତ୍ରା ସହର ପରିକ୍ରମା କରିଥିଲା ।
ଶୋଭାଯାତ୍ରାରେ ବିଭିନ୍ନ ସ୍କୁଲ କଲେଜର ଛାତ୍ରଛାତ୍ରୀ ଏବଂ ପୋଲିସ କର୍ମଚାରୀମାନେ ସାମିଲ ହୋଇଥିଲେ । ଦାସକାଠିଆ ମାଧ୍ୟମରେ ମଧ୍ୟ ଲୋକଙ୍କୁ ସି-ଟିମ ବିଷୟରେ ସଚେତନତା କରାଯାଇଥିଲା । ଏହି ଶୋଭାଯାତ୍ରା ସହରର ବିଭିନ୍ନ ଅଞ୍ଚଳ ବୁଲିବା ସମୟରେ ଲୋକେ ଏଭଳି ପ୍ରୟାସ କରିଥିବା ଏସପି ସାରା ଶର୍ମାଙ୍କୁ ଅଭିନନ୍ଦନ ଜଣାଇବା ସହ ସ୍ବାଗତ କରିଥିଲେ ।
ଭିଡିଓ ସୌଜନ୍ୟ : ପ୍ରତିନିଧି,ଗଜପତି
ଲୋକଙ୍କ ଆଗ୍ରହ ଦେଖି ଏହାର ଯଥେଷ୍ଟ ଆବଶ୍ୟକ ଥିବା ହୃଦବୋଧ ହୋଇଛି । ଏହା ଆଗାମୀ ଦିନରେ କାମ କରିବା ପାଇଁ ସହାୟକ ହୋଇପାରିବ ବୋଲି ଏସପି କହିଛନ୍ତି ।
ଗଜପତିରୁ ହରିହର ପଟ୍ଟନାୟକ,ଇଟିଭି ଭାରତ
