ଗଜପତି: ଗଜପତି ଜିଲ୍ଲା ଅଡବା ଥାନା ଅନ୍ତର୍ଗତ ହରଭାଙ୍ଗି ଡ୍ୟାମରୁ ମାଇଁ ଓ ଭାଣିଜୀଙ୍କ ମୃତଦେହ ଉଦ୍ଧାର । ମାଇଁ ଏବନୀ ମଣ୍ଡଳଙ୍କ ସହ 12 ବର୍ଷୀୟା ଭାଣିଜୀ ଇଷ୍ପାଞ୍ଜଳୀ ଶବର ଶୁକ୍ରବାର ସଂଧ୍ୟାରେ ଡ୍ୟାମକୁ ଗାଧୋଇବା ପାଇଁ ଯାଇଥିଲେ । ପରେ ସେମାନେ ଆଉ ଘରକୁ ଫେରିନଥିଲେ ।
ହରଭାଙ୍ଗି ଡ୍ୟାମରୁ ମାଇଁ, ଭାଣିଜୀଙ୍କ ମୃତଦେହ ଉଦ୍ଧାର
ବିଳମ୍ବିତ ସନ୍ଧ୍ୟା ପର୍ଯ୍ୟନ୍ତ ସେମାନେ ଘରକୁ ନଫେରିବାରୁ ପରିବାର ଓ ଗାଁ ଲୋକେ ବିଭିନ୍ନ ସ୍ଥାନରେ ଖୋଜା ଖୋଜି କରିଥିଲେ ମଧ୍ୟ ପାଇ ନ ଥିଲେ । ଫଳରେ ଏବନୀଙ୍କ ସ୍ବାମୀ ଏନେଇ ଅଡବା ଥାନାରେ ଖବର ଦେଇଥିଲେ । ପରେ ଅଗ୍ନିଶମ କର୍ମଚାରୀ ଘଟଣାସ୍ଥଳରେ ପହଞ୍ଚି ଖୋଜି ଥିଲେ । ପରେ 2 ଜଣଙ୍କ ମୃତଦେହ ଉଦ୍ଧାର ହୋଇଥିଲେ । ଅଡବା ଥାନା ପୋଲିସ ଏକ ଅପମୃତ୍ୟୁ ମାମଲା ରୁଜୁ କରିବା ସହ ଉଭୟ ମୃତଦେହକୁ ବ୍ୟବଚ୍ଛେଦ ପାଇଁ ପଠାଇଛି ।
ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ
